سلام(ن)على شعر النبط وافي الاوزان =سلام(ن)على سحره وقوة معانيّه
سلام(ن)على المنكوس ومروبع القيفان=سلام(ن) على مسحوبها والهجينيّه
سلام(ن)على الغيمة سلام(ن)على الودّان=سلام(ن)على ليل(ن)تقابس مضاويّه
وسلام(ن)على الذود المفلّي بلا رعيان = وسلام(ن)على الملحا السناد السنافيّه
انا بنشدك يالعرب ياغالية الاثمان = عن النابغة لادرهمت به عمانيّه
وعن عمرو بن كلثوم لافاخره الاقران = وعن الكندي اللي تزعج الما سوانيّه
وعن عنتر العبسي الى قابل الفرسان = وعن طرفه بن العبد يشكي طواريّه
فقالت اظنك تقصد الشاعر الدندان =ربيب الفلا اللي تهتويني حداويّه
تراني وصلت الهضب,شرفت في صدعان =وجيت الجزل واقصى الحدود الجنوبيّه(*)
فلا شيف له زول(ن) ولا سمع له دندان =ولا هب في المرقاب نود(ن) شماليّه
فقلت اصبري يالعرب حيث الصبور معان =مضى شاعرك مع سكة(ن) دوم ماطيّه
سنامه ركد ظلّه وهز الخبر سرّان=وطفيل(ن) على المنجور يشكي قصر فيّه(**)
عسى الله يبيحه عد ماحنّت الذيدان = وعدد ماتلاحت بين الاغصان قمريّه
وياطول ماغنّى على نابي الضلعان =(الى فاح صدره مثل فوح الحساويّه)***
ويا خاتمة جزل الشعر محكم البنيان = وشعر البداوة في صوره الطبيعيّه
الى من نساك الناس وش همك النسيان = تموت الرجال الصيد واذكارها حيّه
يبي يذكرك شعر(ن)يخلّد مدى الازمان = (تلاحت مزاميره وغارت مراكيّه)***
وتبي تذكرك هجن(ن)عثانينهن متان =وتبي تذكرك سودا كما النيل منقيّه
وتحيّة وفا واعجاب تنطق بكل لسان = الى الشاعر الدندان بالطيب مثنيّه

يبي يذكـرك شعر(ن)يخلّـد مـدى الازمـان=(تلاحـت مزاميـره وغـارت مراكيّـه)***
وتبـي تذكـرك هجن(ن)عثانينهـن مـتـان=وتبـي تذكـرك سـودا كمـا النيـل منقيّـه
وتحيّة وفـا واعجـاب تنطـق بكـل لسـان=الـى الشاعـر الدنـدان بالطيـب مثنـيّـه