يا الله المطلوب يامعطي اللي له يسيل=سامك العرش عالم خفي اسرارها
طالبك ليلٍ علينا ينشي المخيل=كل لمات القبايل تغاث ديارها
جعل يسقي دار من يكسب الفعل الجميل=دارنا اللي في المخافة نتيه جارها
وإن نوى في الدوسرية يفاخت بالرحيل=من محله لامحل وهو في أقطارها
سلمنا ناسم عصاه بكثيره والقليل=ولا يخاف الا من الله ولي أقدارها
لابتي من وادي الخرج إلى مرقب جويل=مديه للجار سوقه نكال جدارها
في الغروس اللي تقسم على نجع النزيل=كنها لانشرت عقب طلع أثمارها
الهنوف اللي تزين على عين الخليل=تمتنيها الناس مير أعتصى حجارها
عي من عيين جزاعة من اللي يعيل=والشقيقة ردت الشأن عند خيارها
من على الجدان يرصخ بنا الغرس الظليل=في القرارة ما يخزز عليه حضارها
في الفضا وتروده العزب من جيلٍ لجيل=ممنينه لابتي مرخصة عمارها
في نهار لاتعلوا كما الصيد الجفيل=ثايرٍ عكنانها من حفيف زارها
الهوايا بينهم كل مفتوقٍ صقيل=والثميدي بينهم مثل وبل أمطارها
ذا طريحٍ دارج الدم من كونه يسيل=والمقبس في الجنايز يولع نارها
ثم تبرى من عميل الفهاني العميل=نثني الساقة ليومٍ يشيع أخبارها
نرد ورد حيام لعيون منسوع الجديل=لابتي بياعة الروح دون أمدارها
لابتي مثل العسل لاصفا ماله مثيل=وإن تكدر سم ساعة على غدارها