امس الضحي عديت في راس مزبور = اشرف علي راعي العلوم الدقاقه
ياونتي ياما بكبدي من الجور = ونه ضعيف ضاهدينه رفاقه
انا شفاتي واحدن من هل القور =هو عشقتي من ناقلين التفاقه
عوق الظليم اليا تحدر مع الخور= دم القري يدرج علي عظم ساقه
هو صار لي عوق وانا صرت ثابور= والكل منا صار شوفه شفاقه
وده سمر قلبي ورا مشه الزور = سمر الحديد اللي جواد حلاقه
لعب بقلبي لعبه الغوش بالبور = واوما بي اوماي العصا بالعلاقه
ياذيب تيس باول الصيد مذعور= حلو المحابير في فتاتير ساقه
اودعتني لا احدي ولا ابدي ولاثور = كني خلوجا عالقينه وساقه

برق يجنب عنك ولو كان به نور=بالك خياله لو ربيعه شفاقه
تري الرجال ابهم تمازيح وغرور=ومن قبل بخصه لايجي لك عشاقه

من لا استشارك لاتبدي له الشور=ومن لايودك نور عينك فراقه