::: مـنتدى قبيلـة الـدواسـر الـرسمي ::: - محاورة الأسبوع 3 (( الذيال و نايف بن مسرع ))

- :: قسم المــحــاورة والألــغـاز:: (http://alduwaser.org/vb/forumdisplay.php?f=18)

- - محاورة الأسبوع 3 (( الذيال و نايف بن مسرع )) (http://alduwaser.org/vb/showthread.php?t=13584)

محاورة الأسبوع 3 (( الذيال و نايف بن مسرع ))

اخواني الاعزاء ,,,

أسعد الله أوقاتكم بكل خير..

اقدم لكم في هذا الموضوع

المحاورة التي جرت بين الشاعرين الكبيرين

1- الذيال .

2- نايف بن مسرع .

بداء المحاورة الشاعر/ الذيال

سلام مني عليكم ياهل القلطة=من شاعرن لاوقف مايجهل الخلطة
وانا اشهد ان ابن مسرع راح في غلطة=أقولها والتحدي ولعت ناره
عزو صفوف اللعب للوزن الثقيل=في ليلةٍ ماتنوزن باموالها
نادوا لي المسرع عسى عمره طويل=أعطيه درسٍ في فنون قتالها

رد نايف بن مسرع :

يامرحبا بالنيابة عن بني عمي=من شاعرن لاحضر ماهوب يهتمي
وان جيت وان رحت مافورت لي دمي=الله يرحم دغش ويخفف حسابه
الليل دام النار شبت فالفتيل=ماللحمول إلا ظهور جمالها
جيتك وسوقي مايباع ابه الهزيل=اجلب لنا الدسمة وكب اهزالها

رد الذيال :

بانشدك يالشاعر اللي ضابط السكبة=وراك سببت في تال الزمن نكبة
والطالب اللي رسب ياصاح وش لك به=الله يرحم دغش ويهون حسابه
الضامي اللي واردن بيضا نثيل=وراه عوّد ماشرب من جالها
كلن شهر من دونها سيفٍ صقيل=وين انت منها يوم فعل عيالها

رد نايف بن مسرع:

أنا قصيدي هل الطالة تماري به=ولي موقف(ن) كل خلق الللله تدريبه
وانشد بني عبس عني وانشد عتيبه=الله يرحم دغش ويخفف حسابه
عند المواقف مايجي فينا ذليل=تفرح بنا اللي طوحت بجلالها
اللي حضر قبلي له الباع الطويل=وانا بركت لحملها واشتالها

رد الذيال:

اعرف ترى ليلتك ذلليل مختلفة=والطرقة اللي تبي تمشيبها صلفة
واللي رسب فالمواقف جعلها ذلفة=الله يرحم دغش ويهون حسابه
أنا خصيمك وانتبه لي لاتميل=في ليلة(ن) لازم يبين هلالها
واللي حمل في طرقته زادن قليل=ما ينفعه ترديد كلمة قالها

رد نايف بن مسرع :

ياهل المعرفة ورا الذيال وش قومه=نادوا لنا واحد يصحيه من نومه
مايدري إنا نبيعه باول السومه=الله يرحم دغش ويعطر ترابه
جيتك وسيفي في يميني له صليل=ولا كبرت القاله تبين رجالها
المعلبة عذرا ولا تبغا حليل=إلا صبي(ن) لا انتخت به جا لها

رد الذيال:

بعض الرياجيل يمشي مغمض عيونه=ومصدق اللي من العالم يغرونه
إلين يقرب لنا ونكسّر سنونه=الله يرحم دغش ويهون حسابه
ماضاع من بين العرب كود الهبيل=واللي عجز عنها صعب يحتالها
يوم المعارك نحتميها بالطويل=فالك مهوب قريّب(ن) من فالها

رد نايف بن مسرع:

يا غامض الاسم أنا رجال من لابه=ولي عزوة(ن) يوم وقت الحرب حرابة
كم واحد(ن) شاف نفسه نقصر اشنابه=الله يرحم دغش ويخفف حسابه
إن كان تبغي زبدها خض الصميل=المعرفة في داركم وش حالها ؟ !
أنا حفيد اللي لهم رمح(ن) وخيل=ودلتك هذي شاربن فنجالها

وسلاااااااااااامكتم

وأشكر الشاعر/ نايف بن مسرع على تلبيته الدعوه

واتمنى ماتكون الأخيره

وتقبلوا فائق التحية والتقدير