دام الشعـر يكتـب مـن القـلـب للقـلـب=بكتـب مـن اقصـى القلـب لـلـي احـبّـه
اللي جـذب روحـي وراء طلتـه جـذب=كـنّـه يـتـل الـقـلـب مـــن دون سـبّــه
لـولا العيـون الـلـي مضاليلـهـا هــدب=لا سلـهـمـت بـعــروق قـلـبـي تــذبّــه
ابطيـت ماقـلـت الشـعـر فـيـه واكـتـب=وآخــذ مـــن التفـكـيـر مـــدّه وغـبّــه
في راس مرفوعـه بعيـده عـن السـب=نسنـاسـهـا لا هـــب يــازيــن هــبّــه
لا قلت له ياعذب الاوصاف وش ذنب=قـلـب ٍ تـعـذّب مـنــك مـاخـفـت ربّـــه
قــال الـعـذر والـعـذر ياطـيّـب الـنــب=روحــي فــداك ان كان فــي الـحـب طـبّــه
اغليـك وانـت العمـر يــازارع الـحـب=كــب الشـقـى لا هـنـت يـاصـاح كـبّـه
وان ناظرتني صار في داخلـي رعـب=اخـــــاف اقـبـلـهــا بــلــيّــا مــنــبّــه
أحيان اشوف ان الفرح دونها صعـب=وأن شفـتـهـا ودي بـغـمــزه وحــبّــه
تلعـب بقلبـي لعبـت الصاحـب الـذرب=وأنـا آتحاشـى يزعـل اللـي لـعـب بــه
ان قلت عنها فتنـت الشـرق والغـرب=يـالـيـل يـازيـنــب ومـلـيــون صــبّــه
معشوقهـا معهـا علـى البعـد والقـرب=والوصـف مثـل الطيـر فـي راس تبّـه
بالمختصـر هذيـك هـي مـنـوة القـلـب=وبعيـونـهـا اكـبــر غــــرام ومـحـبّــه

المشاركة الأصلية كتبت بواسطة صالح الجعيدي (المشاركة 163354) مرحبا بالشاعـر/ ناصر الجعيدي ترحيبة المطر في منتدى بني عمك وربعك، وجودك معنا يزيدنا شرف يالغالي ،، شرفت و نورت منتدى الجميع (منتدى قبيلة الدواسر الرسمي) لا هنت على تلبية الدعوة ،، صح لسانك على هذه القصيدة إحدى قصائدك الجزلة ،، نريد قصائدك و إبداعاتك و جديدك دائماً. نريد تواصلك معنا ،، تقبل مروري، مع خالص التحية و الاحترام.

المشاركة الأصلية كتبت بواسطة نايف بن مسرع (المشاركة 163398) صح لسانك ياناصر ومرحبا ومسهلا بطلتك الأولى وهي طلة جميلة بالتأكيد الله يحييك في منتداك وبانتظار إمتاعنا بالمزيد ويامرحبا