صيته ((القرويه)) & وتغريد ((البنانيه))
 

بسم الله الرحمن الرحيم


هذي سالفة واحد يسكن احدى القرى وتولع في حب بنت عمه صيته بنت بتال ، وكانت صيته عل قدر من الجمال لاباس فيه ( فوقها ناس وتحتها ناس بنت حلال يعني )

الوكاد ماعاد يشوف صاحبنا صيته مثل من اول ، فقال هالكلمات لشايبه:





يابوي عذّبني جفا رمـش صيتـه*********صارت حياتي بين هـمٍ وغربـال

البعد يا صيتـه تـرى مـا نويتـه**********لا تسمعي للهرج والقيل والقـال

أنتي دفـا القلـب المعنّـا وبيتـه**********وانتي علاج الروح يابنـت بتّـال

منك ابتديت الحب وفيك انتهيتـه*********يا اجمل بنات الخلق في كل الاحوال

والله لوترضـى بهالحـب صيتـه***********لأجعل مهرها من عزيزات الأموال


يوم سمع الشايب قصيدة الولد خذاه وراح وياه لبيت اخوه بتال وخطب صيته ووافقوا الجماعه ..

الوكاد استمرت مدة الخطوبه فتره طويله ( جعل امحق خطبه ) ، وسافر صاحبنا للمدينه يدور شغل بيجمع مهر صيته ( يعنني شقردي ) ، الوكاد لقاله شغل في المطار الدولي ( لاعادة ذالوظيفه ) ، واثناء شغله التقى بالمضيفه تغريد اللبنانيه ( ليتنا من حجنا سالمين ) ، وتغريد ذي على قدر كبير من الجمال ، وقلب صاحبنا خضر ، انفتن بجمال ورشاقه تغريد وفي نظره مافيه وجهه مقارنه بينها وبين صيته القرويه ( عزااااه ) ، حاول التقرب منها وابدا اعجابه فيها وهي كذلك ابدت اعجابها بوسامة صاحبنا ( ابكيها هي وياه ) وقالتله انها ناويه تسافر لاهلها في بيروت وتستقر عند اهلها ( ابرك الساعات مراح ام علي ) وتنهي خدمتها

ويجي ذاك اليوم اللي جات فيه المطمه ويعترف صاحبنا لتغريد بحبه لها وانه بياتي لبيروت لخطبتها من اهلها ( ياويش جاب لويش جاب ) ..
ويرسل صاحبنا هالابيات لشايبه :

يابوي انا غيرت رايـي بصيتـه*********ماعاد ابيها لو تقولـون بريـال

القلب شاف اللي على الشط بيته**********فيها الجمال وصافي الحسن يختال

يابو عيون وساع قلبـي كويتـه*************مابين قلبينا تقاطيـع وارسـال

وضّبت قلبي لك وغيّرت زيتـه************منشان تقبلني على عثرة الفـال

ياحبني للبنـان لـو مـا لفيتـه*********لا صار خلي وسط بيروت جوال

إن ما نوانـي بالمواصيـل جيتـه**********أسوق له من صافي الحب فنجال


و السلام عليكم ورحمة الله وبركاته
:
:
:
تقبلو تحياتي : ابن كعوت المسعري

رد: صيته ((القرويه)) & وتغريد ((البنانيه))
 

تسلم يبن كعوت
على هالقصه الطريفه ولا اقول غيرك كلامك ليتنا من حجنا ساليمن

دمت مبدع

رد: صيته ((القرويه)) & وتغريد ((البنانيه))
 

رد: صيته ((القرويه)) & وتغريد ((البنانيه))
 

رد: صيته ((القرويه)) & وتغريد ((البنانيه))
 

صدق اللي قال ((خير البر عاجله )) لو زوجوه صيته قبل مايشوف الشقرا كان ابرك ..... قصه وابيات جميله يعطيك العافيه

رد: صيته ((القرويه)) & وتغريد ((البنانيه))
 

والله أبتلش هالمسكين ....

لكن تعالوا شوفوه بعد سنه كيف يخلط باللهجه بين لهجته اللي تربا عليها واللبنانيه . هههه

كل الشكر والتقدير لك يا بن كعوت علي هذه القصه والقصيده.

أخوك أبو نواف الدوسري

رد: صيته ((القرويه)) & وتغريد ((البنانيه))
 

رد: صيته ((القرويه)) & وتغريد ((البنانيه))
 

لاهنتم على الردود

ومشكووورين على مروركم الكريم

ويا مرحبا ومسهلا

رد: صيته ((القرويه)) & وتغريد ((البنانيه))
 

رد: صيته ((القرويه)) & وتغريد ((البنانيه))
 

إلي يشلح ثوبه لازم يبرد
لكن بالنهاية الدنيا أرزاق والزواج قسمة من رب العالمين.

رد: صيته ((القرويه)) & وتغريد ((البنانيه))
 

والله النخولي هههههههههههههههههه


لاهنت حبيبي ونتظر مزيدك الرائع