بنت ابتدت بالنت مثل الدجاجه = تبي دروب الميمنة باعوجاجي!!
نفاخ الريش الديك ديك الخواجه = صيح لها نمشي طريق ازدواجي؟!
مشت معه معها الشرف كالزجاجه = وهو بدا التخطيط بكسر الزجاجي
طبق تخطيطه في غبار العجاجه = حتى يضيع الحق بعتم العجاجي
بقبق لها بقباق وباق يادجاجه = ياحبي انتي ياجمال الدجاجي
انا جريح القلب وشوفك علاجه =متى تواعدني بصرف العلاجي
لسانك مايكفي سماع التعاجه = دامك حلو جرب ملوحة هماجي
اعتذرت وقدم خطاب احتجاجه = وارفق معه كذبة وعود الزواجي
مسكينه هي صقعى ولباس تاجه = يرسم احلامها على برج عاجي
لين اكشفت عن ساقها باللجاجه = يعني جويع أكل فخوذ الدجاجي
مما جرى شاعر تعكر مزاجه = الله يصيب الديك عكر مزاجي