|
قصيدة ( ديمة محياه ) لسعد الودعاني
الشاعر سعد الودعاني شاعر كبير بشعره وبقدرته المميزه على صباغة احرفه اشرقت شمسه من خلال مجلة قطوف وتوهجت في مجلة المختلف مؤخراً شاعر يبحث عنه الاعلام لتقديم قصائده الجزله يتنفس الشعر ويعطرنا بعبيره من بين روائعه الكثيره يصافحنا بهذه القصيده المجنحه التي تستحقكم وانتم تستحقونها. ديمــــة محــياه
عسى البارق اللي هز غيمه ونثّر ماه=يبل الضما لاجيت أداعب مرابيعه لياطاح وبل الشوق وأخضرت خزاماه=يعانق خفوق ٍ تاه من كثر تلويعه حناياه لجة واصدحت بالغلا ورقاه=على غصن راك القلب ذب الشقا ريعه من أدنى بدايه لاأخر أقصى نهايةلاه=تضيع الحروف إليا فرتني مواضيعه وهمٍ تمثنا كل عرقٍ يمر أدماه=تعود وأنا مثله تعودت تمزيعه مثل ماالسحايب سيلهاينتحي مجراه=ليا اقفا بقا فالقلب مجرى مناقيعه يجر الجوارح لامشى مثل جر خطاه=جذبني منابيت الحيا في مرتيعه كلامه..قوامه..جلسته ..وقفته..لاماه=عدوله..ميوله..خيزرانه مطاليعه تثنيه..مشيه..لفتته..طعنته..شلفاه=جماله..دلاله..فجرتني ينابيعه وإلى سال ملحه وصدقت ديمة محياه=تحضنت باروده وناره وتوليعه رويته جفاف وفي ربيعه عجزت أرواه=كثر ماأرتويته هم ماأروى منافيعه أسافر عن دروبه وغصب القدم ينصاه=ليارحت ردتني مخايل مراجيعه عبرت اليسار وطحت فاأول سفر يمناه=ترامت بي اطراف الغلا صعب توديعه |
الله لايهينك يا البراق
وصح الله لسانك ولسان الشاعر سعدالودعاني |
من قال مايهان يالشامخ شاكر لك مرورك وتعقيبك تحياتي لك ،،،، |
صح لسانك ولسان الشاعر سعد الودعاني ويستاهل الشهرة والظهور الشاعر الجزل لاهنت يالبراق وعسى عمرك يطووول تحياتي لك |
صح بدنك يالعاصف ومشكور على مرورك وتعقيبك تحياتي لك ،،، |
صح السانك والسان الشاعر ولا هنت يالغالي
|
صــــح بدنك وشاكر لك مرورك طال عمرك وتعقيبك تحياتي لك ،،،، |
السلام عليكم ورحمة الله وبركاته الأخ العزيز ( البـــرّاق ) صح لسانك ولسان الشاعر ، والشاعر :- سعد الودعاني أشهر من نار على علم في دولة الكويت ، وبدأت المجلات الشعرية تتنافس على نشر قصائده الجديدة أولا بأول ، وهو شاعر جزل ، وقصيدته في جماعته ( آل عريمه ) من أجمل القصائد التي قرأتها له ، وقصيدته في أمير المساعره :- مران بن زابن بن قويد - قصيدة طيبة تحمل في طياتها كل محبة وتقدير من هذا الشاعر لأبناء قبيلته . تقبلوا تحياتي ،،، أخوكم :- الهيلاني . |
صح بدنك يالهيلاني شاكر لك مرورك وتعقيبك تحياتي لك ،،،، |
الساعة الآن 04:55 AM
 |
Powered by vBulletin® Copyright ©2000 - 2025, Jelsoft Enterprises Ltd.
---