بسم الله اللي واحد(ن) ماله شريك = القادر اللي ما خسر من شكاله
اللي يحل معقدات الشرابيك = سبحانه اللي كل خلقه تساله
اللي خلقنا له عبيد (ن) مماليك = وارسل رسوله للبشر بالرساله
ثم بعد ذا ياغافل القلب ناصيك = قولي زجاوب من طرحلك سؤاله
ياغافل (ن) مالموت ماهوب ناسيك = لابد من يوم (ن) تصيدك احباله
وش عذرك اللي بتذكره عند واليك = لا قيل ذا قوله وهاذي اعماله
يا سامعاً للقول فتح لي أذانيك = بنصحك من قلب (ن) صلاحك مناله
من خمسة أشياء خلها لو تناديك = في مخالفتها تسعد ابكل حاله
إبليس والصاحب ونفسك تمنيك = وطول الأمل وايضا الهواء هي الجهاله
أغنم زمانك يافتى قبل ما يجيك = راعي الوداعه ثم ياخذ حلاله
إليك ما قدمت زاد(ن) ينجيك = لاجيت قبر(ن) موحش (ن) وسط جاله
ما عندك أحد (ن) ما القرابه يسليك = ولا بعيد (ن) يرحمك من هياله
ثم جاك من وكل بقبرك يناجيك = عن ربك ودينك وطاها سؤاله
أما عرفت وفزت واصبحت في ذيك = في جنة قلبك يحصل مناله
وإلاغويت وصحت لا شفت ناصيك = جمر (ن) يذوب ما قسى من جباله
هذا بعض ما قيل واسمع موصيك = ترا العمر ما باقي إلا حثاله
واليوم فكر قبل ما تزل رجليك = وتبكي على عمر (ن) فنا في الجهاله
إلى متى والنفس وأبليس تدعيك = وإلا الخساس اللي تحب الرذاله
اللي على درب المذله توديك = كم واحد (ن) من قربهم شان فاله
أهل الحرام اللي تبيعك وتشريك = ما همهم غير الطمع والسفاله
اللي تدور لك فسادك وتعطيك = من شان مالك كنك أغلا عياله
يخدعك في قوله وهو ما يدانيك = وتراه ما يومن على بنت خاله
فالحر مثلك ما يوقع مع الديك = اللي يعاعي لك وقصده نذاله
اللي يبي شر (ن) تبلاه ياتيك = وتنزل عقب عزك بوسط الزباله
رافق ارجال (ن) للمعالي توديك = اللي تردك من دروب الضلاله
هم من عرف مقصد حياته ونبيك = عن نهجهم بكتب لشخصك رساله
هم من على منهج رسولك تقديك = والدلك لطاعة عزيز الجلاله
رب (ن) ابتالي الليل يقرب يناديك = ويقول وين اللي يبي له كفاله
كفالته تغفر اذنوبك وترضيك = وتوبتك شرط الله وحلل حلاله
تب من الذنوب وخل درب التهاليك = وأزبن لمن هو ما هلك من لاجاله
طاعة وليك عزت اللي مماليك = واللي عصا ربك ذدى الذل فاله
فطع من نفخ روحك وفصل يديك = وأكرمك يالإنسان وأنت أتعصاله
وصل الصلاة الله على الرشد يهديك = والولديك من الله أكبر حماله
أمك تراها اللي تعبت الجل ترضيك = وقامت بك ونفسك على أخس حاله
وابوبك كم يوم (ن) تعب لك ويرجيك = لاكبر تكفبه العناء والعباله
والمال عند الله له احساب قافيك = وياويل من فرط حسابه بماله
والصوم ركن واجب عند محييك = والحج مثلك له يجهز أرحاله
ولا طابت النية فلا الله مخليك = ويوم الحشر كل (ن) أصدقته أضلاله
والمجلس اللي فيه شف ذاك مع ذيك = لا تدخله ولا تجي من أرجاله
عليك باللي مجلسه ذكر واليك = ذكر الله وطاها وصحبه وآله
وأحذر من الأجرب بقربه يعاديك = أبعد عنه وطلب من الله السفاء له
والبارحة ما نمتنا مدواكيك = سهرتنا كني غريب (ن) لحاله