ابتدت حرب المهالك وانتهى السلم ومجاله"="وارتكب اهل الجريمه ابشع انواع الجريمه
داهمو بغداد جيش الشرك واحفاد الضلاله"="حنو لتدمير تاريخ الحضارات القديمه
بين بعثي العراق وبين جرذان العماله"="انثنت ياويل قلبي بنت الاسلام العضيمه
ااااه ياوجدي عليها وجد من ضيمه خواله"="ان نواهم صاحت امه وان تركهم صاح ضيمه
او وجود القاصر اللي مغتصب عمه حلاله"="هو يتيم بين ربعه ماله الا اخت يتيمه
او وجود النادر اللي ناطح الغاره لحاله"="ان وقف زادوا صوابه وان وقع صاحن حريمه
او وجود الدين اللي مارتكب جرم وخماله"="بعد ماقصو يمينه اعترف راعي الجريمه
او وجود اللي خصيمه فجأه وقف اقباله"="جالي من وسط ربعه وأشجع اربوعه خصيمه
او وجود الطيب اللي تو ماكبروا عياله"="بعد ماكبرو عياله صار طيبهم هليمه
او وجود اللي يمينه بالسلاسل مع شماله"="شيخ قوم عقب عزه عاش حقران وهضيمه
حسرتي والله على حسنك يابغداد وجماله"="وحسرتي والله على الشعب العراقي في جحيمه
كل ماقيل قصفوها اتصيقه للمقاله"="ياعرب موت القلوب اليوم عاهه مستديمه
لا تورونا صورهم اتركوا كل بفاله"="البدوا والذيب يلبد لا نبح كلب الخريمه
يعني وش رايح نسوي غير يالاله يلاله"="لاتحرون القلوب القاسيه تصبح رحيمه
لاني مغير زمان ولاني امحرم حلاله"="بس اشوف ان العروبه تسحب اذيال الهزيمه
سامح الله من قراني مافهم فحوى الرساله"="مدرك ابعاد الكلام ونيتي والله سليمه
الشهر هذا محرم والله محرم قتاله"="بس يالله ماعلينا كل ضربه بتعليمه
ابشروا يالشرق الاوسط بالتسكع والبطاله"="يامدوره الغنايم انتم اليوم الغنيمه
جت مغول الغرب يم الشرق والقصد احتلاله"="خلف هولاكو اوربا جوك يتلون البهيمه
من متى كان اليهودي له على المسلم جماله"="من يقول ان العواقب مانتايجها وخيمه
عارفين المستخبي اندثر وقت الجهاله"="والغبي اللي يفكر لذه الدنيا مقيمه
ينولد الحي ويموت وينولد حي بداله"="والحضيض اللي خطا رجليه مستقيمه
اشهد ان المهدي المنتضر اللي ننتضر طول وصاله"="وصل الاحباط الحناجر واقطب المجهول غيمه
باكر تشوفون باكر قولوا ماقاله الطواله"="كان باكر غدينا للخنازير الوليمه
الا ان كان اتحدنا وصفنا عاد اكتماله"="واجتمعنا كلبونا ضد عدوان وضليمه