ترا خوة أهل الطيـب يالطيبيـن أطبـاب=يطيـب السقيـم وخــوة الاش سـلالـي

ألاجواد واجد والمراجل لها كساب=لكن واعد العشرة ليا صرت جمالي
يطير الشرار وكل نارٍ لها شباب=ومن ولع النيران يصبر على الصالي
تجارب حياتي معجزة وادروب أصعاب=لقيت الرجال انواع والوان وشكالي
صديق الشدايد ما خذا منك علم وجاب=وسيع الصدر يضحك ولا هوب زعالي
صديق الشدايد لا ينافق ولا يغتاب=يدله غريب الدار ويزين الجالي
وصديق الرخى عقاب ومصادقه عقاب=شجاع الحكي والمدح بالقيل والقالي
وصديق الرخى ما غير صورة ولبس ثياب=يا ليته يبرقع ماله شماغ وعقالي
وعندي نصيحه جد ماقلتها لعاب=أقول الصحيح ونايم القلب يصحالي
ترا خوة أهل الطيب يالطيبين أطباب=يطيب السقيم وخوة الاش سلالي
تغانم شبابك يا بيض الوجه دامك شاب=ترى البدر لو يطلع قمر عود أهلالي
فلا تهجر المسجد وخلك ورى المحراب=ترى روضة المسجد لها منزلٍ عالي
ولا تترك اللي يزهمك خايفٍ مرتاب=ترى الذل ما نجى الثعل با لتحيالي
ولا لندى غير الفدى لو تروح أرقاب=ومن ضاع شوره يا خذ الشور ويمالي
ومن با شرك بالعذر لاتلحقه بعتاب=ولا تشوف نفسك شيخ والناس عمالي
ولا تهين نفسك لو تجي بين ضرس وناب=وهيبتك لا تنقص ولو ربع مثقالي
وبنت الردي لا يعجبك زينها الجذاب=تراها كما المخيال خيل وتخيالي
ولو شفت حمر خدودها وثمان أعذاب=لا بدك تمنى ليت ما جالك أعيالي
ولدها لا ياشاف اللقاء والملاقى هاب=ذليلٍ بخيلٍ فيه خفخاف وجفالي
أخذ بنت قرمٍ طيبٍ ساسها ماعاب=تنومسك بنت الشبل ويجيلك أشبالي
أعيال الذياب تصير مثل الذياب أذياب=وعيال الثعالب مثلها زهر الاذيالي
وفرخ الصقر مثله وفرخ الغراب غراب=وبوم الخراب ايقابل العش ويلالي
الي صار راسك فوق يا طيب الا نساب=فلا ينحني لقدام رجلين ونعالي
لكن الله اللي يكتب الرزق يا خطاب=هو اللي يفك الباب ويقص الا قفالي
ولا يهمل الا واحدٍِ عايفٍ الاشباب=ولا ضيع أحقوق البشر غير الا همالي
وترى للقصايد كيف والكيف له شراب=وانا ما مشرب الا كيف راسي بفنجالي
ولا طاوع الجاهل ولا جامل النصاب=أقدم يمين الحق واحط معدالي
ولا نيب والله طيبن له مع من طاب=ومن طاب لي برخص له الحال والمالي
أكذب وانا خابر واجامل وانا كذاب=سنين مضت هي صدق والا يورالي
تلخبط جهاز المخ وانهارت الاعصاب=وفورت دمي وارتفع ضغطه العالي
لكن في رجى اللي من رجى رحمته ماخاب=هو الواحد العالي وهو ربناالوالي
وهو الخالق الرازق وهو المعطي الوهاب=له الملك كله والكمايل والاكمالي
رحومٍ رحيمٍ رحمته تنقذ المنصاب= يغيث الديار الممحله عقب المحالي
شديد العقاب ويعتق المذنب اللي تاب=عسى ما يوخذنا بسيات الاعمالي
كما قاله الله فصبروا يأولي الالباب=ترى الصبر زين وكلمة الحق تنقالي
واصلي واسلم عد ما تنبت الاعشاب=وما لاح براقٍ سرى يشعل أشعالي
على المصطفى اللي وحد الدين والاحزاب=شفيع أمته يوم الهوايل والاهوالي

المشاركة الأصلية كتبت بواسطة خميس الغييثي (المشاركة 230865) ابوزابن انا اساتنست يوم شفت العنوان وقلت ابوزابن مسوي لي توقيع؟ واللحين لوك سألني كان معلمك بها من دون ماتتعب لكن هاللحين لازم تدفع غرامه وهي اني محتكر هذه الابيات والضريبه هي اللي قلتلك هههههههههههههههههه لاهنت وبيض الله وجهك على النقل الطيب وصح لسان الشاعر عبدالله بن شايق

المشاركة الأصلية كتبت بواسطة أبن زاايد (المشاركة 230769) ابو زابن بيض الله وجهك يالقرم مشكور وماقصرت يامال العافية تقبل تحياتي ومروري اخوك \ أبــــن زاايـــــد

المشاركة الأصلية كتبت بواسطة الزين (المشاركة 230776) تسلم يمناك علي النقل وصـــــــــــــــــــــح لسان الشـــــــــــــــــاعر قصيـــــــــدة أكثــــــــــــــــر من رائعـــــــــــــــــــــــــــــه الزين

المشاركة الأصلية كتبت بواسطة مشاري الرجباني (المشاركة 230797) لاهنت على النقل وصح لسااااااااااان الشاعر الكبير ابو شااايق ولك تحياااتي

المشاركة الأصلية كتبت بواسطة ابو زيد الغييثي (المشاركة 231210) كأني قريت ضريبه :17: ههههه ابو زابن بيض الله وجهك وصح اللسان بن شايـــق لـــكن والله اللي طبيت بطلايب مع ذا الشايب :30: البلا لا بو زابن يعرف للتوقيع ولا خميس هههه محبكم / ابو زيد