|
قصيده دخيل بن الرديني في الباديه....
قصيدة دخيل بن الرديني:
تكون بادية الدواسر في واديها فترة القيظ وفي الشتاء ينتجعون إلى البر تبع ابلهم وماشيتهم وطلبا للمرعى ثم يعودون للوادي إلى وقت الصفري. ولقد دخل الفارس المشهور دخيل بن الرديني بن شارع بن قويد من القودة الوادي في الشتاء قاصدا خذاء للخيل اسمه عثمان. فقال عثمان ممازحا له:ياعم:اما ان تجلس معنا في الوادي,واما أن نذهب معك إلى البر. فقال دخيل متشوقا الى البادية:
عثمان ودك بالمناهيج فالـــراح = أقصى مناهيك الحسا هو وجودة أما كلاك الطير خفاق الاجناح = والا رزقك اللي علينا مدوده يازين شب الضو من عقب مرواح = في مربخ ما ازين تمايل فنوده غضا بريدان مع السيل طفاح = سيله من السرحي تعدي حدوده وانا على اللي يلحق الخيل نفاح = طرد السبايا دايم ما يكوده ناخذ على خيل المعادين مشواح = لعيون من تزهى العشارق خدوده كم واحد مني على صابره طاح = خلي لسمحات الضرايا تروده عادات ربعي في اللقا كسب الامداح = يا سعد منهم في الحرايب عضوده ربعي نهار الهوش يهدون الارواح = ةقول بلا فعل يكذب شهوده وسلامتكم المصدر كتاب اشعار الدوسر للفصام تقبلوا تحياتي ولد ودعاان |
رد: قصيده دخيل بن الرديني في الباديه....
مشكور أخوي ولد ودعان على هالقصيدة التي تبين مدى حب وفقد الشاعر لدياره
تسلم يمينك |
رد: قصيده دخيل بن الرديني في الباديه....
لاهنت وصح لسان الشاعر دخيل بن الرديني رحمه الله
والله يعطيك العافية وجزاك الله خير وتقبل ودي وأحترامي ,,, |
رد: قصيده دخيل بن الرديني في الباديه....
ولد ودعان لاهنت على إيرادك لهـذه القصيده لــ دخيل بن الرديني ال قويد وأحسنت الاختيار
وانا على اللي يلحق الخيـل نفـاح=طـرد السبايـا دايـم مـا يكـوده ناخذ على خيل المعاديـن مشـواح=لعيون من تزهى العشارق خـدوده كم واحد مني على صابـره طـاح=خلي لسمحـات الضرايـا تـروده عادات ربعي في اللقا كسب الامداح=يا سعد منهم في الحرايب عضـوده ربعي نهار الهوش يهدون الارواح=قول بـلا فعـل يكـذب شهـوده |
رد: قصيده دخيل بن الرديني في الباديه....
ناخذ على خيل القحاطين مشـواح
لعيون من تزهى العشارق خـدوده هذه هو البيت الصحيح وهو ما يروا لدينا |
رد: قصيده دخيل بن الرديني في الباديه....
شكرا لكم على الردود الطيبه
اما بالنسبه لتصليحك للخطا الي انت تعتقده اخوي بو زيد فانا هذا الي قراته في كتاب اشعار الدواسر وسويت الي علي تقبل تحياتي |
رد: قصيده دخيل بن الرديني في الباديه....
تسلم يمينك علي النقل وصح لسان شاعرهــــــــــــا
عادات ربعي في اللقا كسب الامداح=يا سعد منهم في الحرايب عضـوده ربعي نهار الهوش يهدون الارواح=ةقول بـلا فعـل يكـذب شهـوده الـــــــــــــــزين |
رد: قصيده دخيل بن الرديني في الباديه....
اخوي نايف والزين
شرفتوني في مروركم العطر تقبلو تقديري واحترامي اخوكم ولد ودعان |
رد: قصيده دخيل بن الرديني في الباديه....
اقتباس:
مرحبا اخي ولد ودعان ولاهنت على الامانه في النقل وانا كنت اوضح لك روايه نرويه ولكن لا ضير في ذالك واعذرني على الازعاج |
رد: قصيده دخيل بن الرديني في الباديه....
مابه ازعاج يالغالي ابو زيد
|
الساعة الآن 04:19 PM
 |
Powered by vBulletin® Copyright ©2000 - 2026, Jelsoft Enterprises Ltd.
---