|
دواسرٍ تنهض الهامه وقت العسار
هذة القصيده لاْخوي( سعد بن حمد بن سالم السلاطين الغرره الدوسري).
على ان هذه القصيده لاتوفيه حقه لاْنه بإختصار ابوي واخوي وعضيدي وسندي وان شاء الله يطول في عمره ويعطيه الصحه والعافيه. واتمنى انها تحوز على رضاكم .
جتني قصيده يوم الفكر دار = قلتها من داخل القلب مخفيه ابرسلها لحرٍ معتليٍ سيد الاحرار = من قومٍ ماتهاب الموت في كل هيه غريرةٍ لاحل الملاقا كلهم اغوار = من نسل فيصل اهل الوفا والحميه كاسبين النفايل فاكين النشب الجسار = ربعي في نهار الهوش تصلى الصليه دواسرٍ تنهض الهامه وقت العسار = تاطى على ارقاب النفوس الرديه ابو حمد وقت المحن متجلدٍ صبار = مايرتضي بالضيم لو تجيه المنيه هو عضيدي لامن اصطكتبي الاضرار = لانصيته لقيته في حزه وفيه كريمٍ صادقٍ حافظٍ حقوق الجار = فاتحٍ مجلسه يفرح بكل جيه ياطيب طيبه عند صغار و كبار = وعسى السعاده ماتغارق ثنيه قلتها من خاطري من بعد الاسحار = لسعد وجه السعد ابو نفسٍ زكيه وصلاة ربي على سيد الاخيار = الرسول اللي نذكره كل صبح وعشيه وسلامتكم . |
ابن غرير صح الله لسانك وإعتلا شآنك وأنت وأخوك وربعك كلكم وافين والله وثمانين نعم ولاتكفيكم بني عمٍ وافين جعلكم المعزه لاهنت وبيض الله وجهك وفي إنتظار مشاركاتك الجديده تقبل الود والتقدير أخوك دغش البطي |
يستاهل ابو حمد ....
وصح السانك يا ابن غرير .... |
ابن غرير صح الله لسانك ياذيبااان ويستاهل ابو حمد لاتبطي بجديدك ،،، |
صح السانك مليون يالقرم والله والنعم ياعيال عمنا الغرره
|
صح بدنك ووجهك ابيض يالقرم وماعليكم زود طال عمرك واسعدني مرورك ( بادغش البطي ) |
ماعليك زود بابو بتال . .وشرفني مرورك |
صح بدنك يالذيب وماعليك زود يالقرم وشرفني اطلالتك الغاليه (يالبراق) . |
الغالي ابوحمد لا خلا ولا عدم يابن غرير عز الله كفيت وفيت يانسل الاحرار وصح الله السانك يابيض الوجه ومهما قلنا وكتبنا منوفي سعد بن حمد حقه وعزالله ان سعد يستاهل كل مقيل فيه ولا تحرمنا من جديدك يابن غرير. اخـــــــوك / فهد الغريري,,, |
بن غرير لاهنت ياصلب جدي عسى عمرك طويل علاء هل مشاركه الي غنيه عن التعريف يستاهل ابو حمد عسالله لايفركم انشالله وننتظر المزيد يابوحمد اخوك.راعــــــى مــــــكــــــحـــــولــــــــه |
صح الله لسانه وبيض الله وجهك يابن غرير على النقل
تقبل تحياتي،، |
لاهنت يابو حمد علاء هل مشاركه الي غنيه عن التعريف يستاهل ابو حمد اخوك و اخو الجميع و هاذا اقل من حقه عسالله لايفركم انشالله. ....لشّيب..... |
صح لسانك يا بو حمد على القصيد الجزل
ويستاهل نسل الاشّيب على المدح والاطراء وعلمه غانم وننتظر منك المزيد اخوك في الله محمد الغريري |
(
تركي الودعاني )صح بدنك مليون يالقرم ولاعليكم زود يالابتي . تحياتي لك . |
صح بدنك ووجهك ابيض يابو راشد ولاعليك زود طال عمرك واسعدني مرورك يالذيب . |
الساعة الآن 04:03 PM
 |
Powered by vBulletin® Copyright ©2000 - 2025, Jelsoft Enterprises Ltd.
---