الشايب:

قلبي شباب ولازم اني اعرّس .. مابا العجوز اللي اتوسّد على الباب
الخير واجد وانا ماني مفلّس .. عندي فلوسٍ تدعم البنك في الحساب

العجوز:

ما باقي غير خشمك وهالضرس .. تبغي تعرس وانت غادي شالغراب
قابل صلاتك الله يشفيك م المس .. والاّ ترى باطب وجهك بالتراب

الشايب:

إنتي عجوز وأكلك الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب

العجوز:

لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب

الشايب:

دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب

العجوز:

بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على وجهك.. أصلع ولعاب

الشايب:

فكيني من وجهك ترى مالي أي نفس .. زهقان من شوفك وابغي لي أحباب
هذا طلاقك طالقه اربع وخمس .. شلّي طلاقك من ضميري بلا احساب

العجوز:

مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

الشايب:

يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عجوز ولك في الدنيا خلان واحباب

العجوز:

مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب

هههههههههههههههه وش رايكم

المشاركة الأصلية كتبت بواسطة لين; هههههههههههههههههه تحفة هالشياب صراحة من محاورتهم لايقين على بعض كلاً فيه حقة رائعة يالماسة أسعدتينا أسعدك الله في دينك ودنياك

المشاركة الأصلية كتبت بواسطة سالم الحراجين; ههههههههههههههههههههههههههههههه الشايب ميت عليها وهي رافضه مشكورررررررررة على الموضوع مشاء عليك ذوقك قمه وتعرفين تختارين تقبلي مروري الطيب