نسيتني واليوم جاء الدور ابا انساك=الوقت به نسيان الاحبـاب عـادي
عطني طريقه للجفاء ودي أجفـاك=دام الجفاء له في حياتـك مبـادي
لا شلتنا من داخل القلـب شلنـاك=مثل الهبوب اللي تشيـل الرمـادي
لا تحسبني مثـل غيـري ترجـاك=لا والـذي يعلـم ممـاتـي وزادي
إن كان غيري في كلامـه ترضـاك=يمشي على كيفك يبـوس الأيـادي
أنا نويت انسـاك وابيـع ذكـراك=هذا جزاء اللي للجفاء كـان بـادي
أتعبتني والحـظ غـادر سرايـاك=أشقيت حالي معـك علـمٍ وكـادي
لو الوفاء طبعـك تمنيـت لقيـاك=بس الوفاء بعته حـراج ومـزادي
لا عاد ترجيني وهـاذي سوايـاك=ابعد وانا ببعد وابا اقطـع مـدادي
نسيتني واليوم جاء الدور ابا انساك=خلاص يكفـي لا تزيـد العنـادي