الا يازمن كملتها وشبقى ماصار = على الوجه جتني لطمة كنت مبعدها
سواياك فيني يازمن توجع الكفار = تفرح قلوب شوفي بخير لاهدها
تِضحك جبان بالمراجل قصير اشبار = رِبوة عجوزه بالسوالف يقلدها
قضى كل عمره عندها ماظهر له كار = ردي الجهد ربعه مع الناس نقدها
صدق بالمثل لاقيل هذا الزمن دوار = ولكن زماني داربي لين زودها
ولايازماني طيحة الفارس المغوار = تصحي القلوب النايمه من مراقدها
عليك الله اكبر طال صبري ونا صبار = وعليك اشهد الله والخلايق مشهدها
ولايابو ناصر باح سدي ودمي فار = على علة من شهر شعبان اكابدها
صبرت وتحملت القهر لو دمي حار = على قول هراج المجالس توسدها
وصلت لحدود الياس واخر مدى المشوار = ونا بين هل وكيف حاير وارددها
اناجي عظيم عالم بخافي الاسرار = عليه الدعاوي في اخر الليل اسندها
سميع مجيب قادر مقتدر جبار = يحل العقد ويحاسب اللي معقدها
ولاياالغريري وانت حر ونسل احرار = مساعيك في خدمة بن اخيك جندها
وشرواك يابن اهديهد القرم مايحتار = يفّرج على روح قضاها يهددها
اليا كبرت الدعوى وجات العلوم كبار = هموم الرفيق اللي لجالك تبددها
ونا في ضميري واهج مثل وهج النار = على وهجها فاحت دلال مركدها
تلاحق رفيقك قبل تقفي به الاقدار = عسى فزعتك نيران جوفي تبردها

انـاجـي عظـيـم عـالـم بـخـافـي الاســـرار عليـه الدعـاوي فـي اخـر اللـيـل اسنـدهـا سـمـيـع مـجـيـب قـــادر مـقـتــدر جــبــار يـحـل العـقـد ويـحـاسـب الـلــي معـقـدهـا

المشاركة الأصلية كتبت بواسطة السيف دايـم (المشاركة 266848) صبـرت وتحملـت القهـر لــو دمــي حــار**عـلـى قــول هــراج المجـالـس تـوسـدهـا صح لسانكـ يابو محمد قصيده جزله كصاحبها..

ارحب ياابن العم
صح بدنك
ولاهنت على المرور الجزل

المشاركة الأصلية كتبت بواسطة بوحمد الحمد (المشاركة 266997) حسن صح السانك والله لايهينك على الكلمات الرائعه دمت بكل خير تقبل مروري

ارحب يابوحمد
ولاهنت وصح الله بدنك
وتشرفت بمتابعتك

المشاركة الأصلية كتبت بواسطة الحميدي الغريري (المشاركة 267235) الأخ وإبن العم : حسن بن بطحيّه الودعاني أشكرك على هذه القصيده الرائعة والجزله ، والتي لا أستغربها منك لأنك ملكت الجزالة يا إبن بطحية غير جديد عليك أن تملك هذا الإبداع جُلُه وتقبل فائق التقدير والإحترام أخوك : أبومحمــد،،

ارحب تراحيب المطر
ومرور جزل يشرفني يابن عمي
وشهادتك وساااام
تقبل احترامي

المشاركة الأصلية كتبت بواسطة هايف العماني (المشاركة 268031) الشاعر الكبير حسن بن بطحيه صح الله لسانك يابوليد على القصيدة الطيبه ويستاهل بوناصر ونحن في انتظار رد بوناصر ومجاراته لكم تقبل تحياتي،،

ارحب يابن العم
وصح الله بدنك
وتشرفت باطلالتك
ونعم يستاهل ابو ناصر وشوي بحقه
لاهنت لمتابعتك وهذا شرف لي
تقبل احترامي