أنا ليا ضاق صدري واشتعل جاشـي=داويت نفسي مـن همـومٍ تناهشهـا
وضربت لي طرقةٍ تصعب على اللاّشي=وسرّيت رجلي ومسرى الليل ينعشهـا
ونحرت جوٍّ خليٍّ يوحـش أوحاشـي=صحاصح البيد طـبّ اللـي يعايشهـا
خالٍ جنابه مـن العالـم والأدباشـي=قفرٍ مربّ الوحوش ومأمن أوحشهـا
عشبه سوات الحمى ماهوب ينّاشـي=لا راعي البل ولا الشـاوي بنايشهـا
مايقطعن فرجتـه حـرار الأبواشـي=الضمّر اللي وصوف الريـم تركشهـا
مايسهجه غير جيبٍ يطرب الماشـي=مع واعر الأرض وألاّ مع مفارشهـا
جيبٍ يبعّد عـن مْعشّـاي مغباشـي=اللي يقـصّ الـدروب ليـا تناوشهـا
ماتسمع من المكينه غير وشواشـي=ماكنّـه ألاّ الحيايـا فـي توشوشهـا
لا فرّ من دوس رجلي صابه خراشـي=فـرّة قطـاةٍ دويّ الملـح خارشهـا
يطيش من طيش سوّاقه ليـا طاشـي=نوبٍ يخم الخطـوط ونـوب يقرشهـا
أبيه لابـان نجـم ونجـم متلاشـي=وشفت السويبع مع أخوانه مداقشهـا
في ليلـةٍ وبلهـا هتّـان ورشاشـي=وقلايد الوسـم مرخيـتٍ مراهشهـا
ليا أضمرنّ الفحول وجاهن طياشـي=والأرض في بطنها قـرّت هوايشهـا
وراع الولع عقب موته له تنعواشـي=طيره على الكـفّ والدنيـا مطنّشهـا
ماعاد يطري له ألاّ بـرق الأرياشـي=اللي على شانهـا البيـداء يفتشهـا
وأنا معي عاريٍ ماهـوب بخياشـي=لاتلّ سيره علـى المقفـي تفرّشهـا
عديم وأسمه عديمٍ ما أسمه شلاشـي=زرق الشوش لالحقها علّق شوشهـا
ومن لا عرف لذّة المقناص ماعاشي=ولعه بليّـا طماعـه ميـر عايشهـا
يسلى بها الخاطر ليا ضاق وانداشـي=وترتاح بالنوم عيني يـوم أغلمشهـا
ماتسمع اذني صدى لجلاج وهواشـي=ألاّ السواري مـع الظلمـا تخترشهـا
يالايمـي خلّنـي بصـدّ وانحـاشـي=عن شوف ناسٍ ماغير تلوّي خششها
والله إن يبطي مع المقناص مطراشي=لين المنيّـه نقابـل وجـه طارشهـا
هذا الدواء اللي يداوي حدبٍ هشاشـي=من هاجسٍ لاتحرّك قـام يجرشهـا

يالايمـي خلّنـي بصـدّ وانحـاشـي=عن شوف ناسٍ ماغير تلوّي خششهـا

المشاركة الأصلية كتبت بواسطة غازي المسعري (المشاركة 302466) هذه القصيدة للشاعر المبدع / خالد بن مدعث الدوسري أمل ان تحوز على رضاكم أنا ليا ضاق صدري واشتعل جاشـي=داويت نفسي مـن همـومٍ تناهشهـا وضربت لي طرقةٍ تصعب على اللاّشي=وسرّيت رجلي ومسرى الليل ينعشهـا ونحرت جوٍّ خليٍّ يوحـش أوحاشـي=صحاصح البيد طـبّ اللـي يعايشهـا خالٍ جنابه مـن العالـم والأدباشـي=قفرٍ مربّ الوحوش ومأمن أوحشهـا عشبه سوات الحمى ماهوب ينّاشـي=لا راعي البل ولا الشـاوي بنايشهـا مايقطعن فرجتـه حـرار الأبواشـي=الضمّر اللي وصوف الريـم تركشهـا مايسهجه غير جيبٍ يطرب الماشـي=مع واعر الأرض وألاّ مع مفارشهـا جيبٍ يبعّد عـن مْعشّـاي مغباشـي=اللي يقـصّ الـدروب ليـا تناوشهـا ماتسمع من المكينه غير وشواشـي=ماكنّـه ألاّ الحيايـا فـي توشوشهـا لا فرّ من دوس رجلي صابه خراشـي=فـرّة قطـاةٍ دويّ الملـح خارشهـا يطيش من طيش سوّاقه ليـا طاشـي=نوبٍ يخم الخطـوط ونـوب يقرشهـا أبيه لابـان نجـم ونجـم متلاشـي=وشفت السويبع مع أخوانه مداقشهـا في ليلـةٍ وبلهـا هتّـان ورشاشـي=وقلايد الوسـم مرخيـتٍ مراهشهـا ليا أضمرنّ الفحول وجاهن طياشـي=والأرض في بطنها قـرّت هوايشهـا وراع الولع عقب موته له تنعواشـي=طيره على الكـفّ والدنيـا مطنّشهـا ماعاد يطري له ألاّ بـرق الأرياشـي=اللي على شانهـا البيـداء يفتشهـا وأنا معي عاريٍ ماهـوب بخياشـي=لاتلّ سيره علـى المقفـي تفرّشهـا عديم وأسمه عديمٍ ما أسمه شلاشـي=زرق الشوش لالحقها علّق شوشهـا ومن لا عرف لذّة المقناص ماعاشي=ولعه بليّـا طماعـه ميـر عايشهـا يسلى بها الخاطر ليا ضاق وانداشـي=وترتاح بالنوم عيني يـوم أغلمشهـا ماتسمع اذني صدى لجلاج وهواشـي=ألاّ السواري مـع الظلمـا تخترشهـا يالايمـي خلّنـي بصـدّ وانحـاشـي=عن شوف ناسٍ ماغير تلوّي خششها والله إن يبطي مع المقناص مطراشي=لين المنيّـه نقابـل وجـه طارشهـا هذا الدواء اللي يداوي حدبٍ هشاشـي=من هاجسٍ لاتحرّك قـام يجرشهـا