يالله يامعبود يا ســـــــــا بق الفــــــــــوت = يا ســـــامع صوت المنادي بالأسحار
يا كافل للحي من رزقك القـــــــــــــــــوت= يامنجي ذا النون من هــــــول الإبحار
ياخالق ذا الكون يا رازق الحـــــــــــــوت= يافا رج الضيقات يا ســـــــــاتر العار
حالي ورق غصن من الريح محتـــــــوت = والرأس تلعبه كثيرات الأفـــــــــــــكار
غديت إنا كني سجين بحــــــــــــانـــــوت= والقلب كن يدق به رأس مســـــــــــمار
من يوم راع الدار بدل بعكـــــــــــــــروت= ولد النعامة قام يمشي بالاخــــــــــــبار
ياليتني ياقلب ســـــــــــاكن أبيــــــــروت = ولا شفت إنا العكروت يمشي بالأمتار
ليته عن أدياري ســـــكن عين جـــالوت= لعل داري تكتمل بهـــــــــل الأخيـــــــار
ياقلب لا تشكي من الظيم بســــــــــكوت = اكفخ بجنحان الســـــــعد وانخ الأحرار
تنخي حـــــرار له براهين وثبـــــــــوت= سكانة المنسف هل الكيف والـــــــــكار
هم عزوت اللى من عنى الوقت مكبوت = ستر العذارا ليا حصل موقف حــــــــار
اليوم ابنخا من بنا بفعله بيـــــــــــــوت= شيخ زها قصر العليا بالأذكـــــــــــــــار
عبد العزيز أن صحت في عالي لصــوت= وفيه انتخيت يقوم ماقدم اعــــــــــذار
ياقف لها لو دونها ينطح المـــــــــــوت= ريف الصديق وبالعدو يشعل النــــــار
حر إلى غــــاص البحر جاب ياقـــــوت=شيخ شجاع بالمهمـــــــــــات صبـــار
يقول والله لزرع النـخل والتـــــــــــوت = عهد علينا نغرس الدار بشجـــــــــار
يادار إنا دونك ولوجيب تابــــــــــــوت= دون الأهل والـــدار نرخص بالأعمار

المشاركة الأصلية كتبت بواسطة ابو زابن المسعري (المشاركة 304255) يستاهل الشيخ / عبد العزيز بن محمد الغزي الله يصح السان الشاعر لاهنت اخوي فهد وبيض الله وجهك

المشاركة الأصلية كتبت بواسطة مبارك الخييلي (المشاركة 304290) وونعم في الشيخ عبدالعزيز الغزي ويستاهل وصح ألسان أبن عمنا عبدالله عبد المحسن بن عبدالله البدراني وجعل يمينه سالمه كما أوجه الشكر كل الشكر لأخونا فهدالمحيسن تقبلوا شكري والتقدير

المشاركة الأصلية كتبت بواسطة حفيدالدواسر (المشاركة 304610) شكرا ً على إيرادك لهذه القصيدة يا أخ ( فهد ) ، والله يبارك فيك ، وفي قائل القصيدة ، وفي من قيلت فيه . وصح الله لسان الشاعر ، وجزاه الله خير ا ً، فقد مدح من يستحق المدح ، وهو الشيخ الفاضل ( عبدالعزيز الغزيّ ) وفقه الله لكل خير . تقبل تحياتي يا أستاذ ( فهد ) وشكرا ً على ما تقدِّمه لإخوانك في هذا المنتدى . أخــــوك ( حفيد الدواسر ) ،،،،

المشاركة الأصلية كتبت بواسطة عبدالرحمن بن عويس (المشاركة 304616) أقــــدم شـــــكــــري وتــــــقــــديــــــري لـــــكــــــم !!! واهـــنـــيـــــك مــــن كـــــــــل قــــلــــبـــــي عــــلـــى القصيدة وجـــــهــــودك بــــتـــــقــــديــــــم كــل مـــــا يـــــفيـــــد !! وطــــرحــهـــا بالمـــنتــــدى !!! إلـــى الأمـــام وبــــالـــتــــوفــــيــــق إن شـــاء الله وتـــسلم يمــــينك !! أخوكـــــم عبدالرحمن العيسى العويس

المشاركة الأصلية كتبت بواسطة رائــــــــــد (المشاركة 304629) اخي العزيز فهد بيض الله وجهك يالقرم على نقل هذه القصيدة الرائعه وصح السان الشاعر عبدالله عبدالمحسن البدراني ويستاهل الشيخ عبدالعزيز الغزي كل خير تقبل تحياتي