::: مـنتدى قبيلـة الـدواسـر الـرسمي ::: - لا صـرت بـايـعـنـي .. اشـوفـك عـلـى خـيـر

- :: قسم الـشعر العــام :: (http://alduwaser.org/vb/forumdisplay.php?f=16)

- - لا صـرت بـايـعـنـي .. اشـوفـك عـلـى خـيـر (http://alduwaser.org/vb/showthread.php?t=28427)

لا صـرت بـايـعـنـي .. اشـوفـك عـلـى خـيـر

لا صرت بايعني .. اشوفـك علـى خيـر
مـع السلامـه .. دام مـا بـه سلامـه !!

قلت : انتهينا؟ قلت لك : خير يـا طيـر !!
مانـي بـأول شخـص يخسـر غـرامـه

محـذرك مـن قبلـهـا الــف تحـذيـر
لا عفتنـي بيعيـف قلـبـي هيـامـه ؟؟

مانيـب ميّـت لا ! ولا احتـاج تبـريـر
صـح الله لسانـك .. ووفــر كـلامـه

بسمعك .. حبكه .. وفكـره .. وتصويـر
وافهـم عـدل يـا مـدعـي بالفهـامـه

وجه الشعـر ( ابيـض ) ويحتـاج تغييـر
ودي تـزيّـن هالقصـيـده ( عـلامـه )

ماضيك ( الاسود ) بذكـره دون تقصير
كذا يكون بخـد هالشعـر .. ( شامـه !! )

يصدق معـي تعبيـر .. ويخـون تعبيـر
يا ضيعة الشاعـر .. بوقـت انسجامـه !

يمكـن خطـا ادونـك بالشعـر ؟! مـيـر
لو مـا احترمتـك ؟ للغـرام احترامـه !!

ما كان حبـك غيـر بـس طعنتـك غيـر
علمتـنـي معـنـى الـنـدم والنـدامـه

مـا جـاك منـي اي زلــه وتقصـيـر
كل ما خطيت اعاتبك .. بابتسامـه !!!!؟!

حسبي علـى الذكـرى اذا هبـت عصيـر
مـا عـاد تنفـع شرهـتـي والمـلامـه

البال ( ضامي ) وقتها والحـزن ( بيـر )
( خسرتك ) وهمي ( كسبـت ) اهتمامـه !!

والليل فازع لـك كـذا !! جانـي مغييـر
ظلمتـنـي واكـثـر ظلمـنـي ظـلامـه

لا اقبل علي اوحيـت صـوت المساييـر
وفزيـت كـل ضيـف ٍ اقـوم بمقـامـه

واليا عـزم هالليـل ( ضيقـه وتفكيـر ! )
قلّـي بربـك كيـف بـقـدر انـامـه ؟؟

مـا فيـه داعـي للعـتـب والمعـاذيـر
الغدر ( خال ) الجرح واطيّب ( عمامه ) !!

أما يجيـب الله مطـر .. تالـي وخيـر ؟
ولا السلامـه مـااااش مـامـن سـلامـه

الـشـاعـر / مـحـمـد جـارالله الـسـهـلـي