السلام عليكم..

هيّن مردك للفرج يا أكبـر الضيـق=دام الليـالـي تقتفيـهـا ليـالـي
هي بس تبغى طول صبر وتوافيـق=وأشيل هـم النـاس كلـه لحالـي
وعمر المربّط مايسـوق المطاليـق=والحر ماترضيـه غيـر المعالـي
ياصاحبي وإن زاد ظلـم المخاليـق=فلا تحسب إن الله عن الخلق سالي
والطيب يمحى العيب عرف ومواثيق=والا الخطا ماله على الطيب والـي
واللي جرحني بين حدب ومعاليـق=مأخفي عليك انه الى الحين غالـي
ياحلمي اللي مالـك اليـوم تحقيـق=حبك حقيقي بـس وصلـك خيالـي
والحب يفضحني وان اخفيته يويـق=وإن مامضالـي بالوفـا مابقـالـي
جرحتني مختـار ياحالـي الريـق=واسامحك مجبـور يـاراس مالـي
صوره ولا يحتاج الإحساس تعليـق=أركض رجا ويطيح ميّـس ظلالـي
وان كان بيبان المشاعـر مغاليـق=فماهو جديد ان الزمـن ماصفالـي
ليت الهوى جمعه ولا فيـه تفريـق=أوليـت ماللبعـد فالقلـب صالـي
ياصاحبي وان شلت لك فوق ماطيق=فأنا لحالي جيـت وأرحـل لحالـي
وهين مرده ينتهي كـل هالضيـق=وأقول للمره الأخيـره: تعااااالـي!!

المشاركة الأصلية كتبت بواسطة غلا نجد (المشاركة 333227) عودهـ من جديد للأبداع جمال لا يضاهيه جمال وحضور يجبرنا على متابعته الف شكر لك على اتحافنا بهـذه الدرهـ الفائقة الجمال . بإنتظار جديدكـ