○• تعـــبت أقول .[ لضيقتي ]. سهوود..و..مهوود •○

-------------------------------------------------------
.
.
.


للمبدع الشاعر // ثامر شبيب الدقبـآسـي . . .

.
.
.





تعبت اقول لضيقتي سهـود ومهـود
اليا متى هالعـذر بيكـون عـذري ٍٍ


البارحة يـوم اكثـر العالـم رقـود
عادت علي اللي تجي منيـن مـدري ٍٍ


الضيقة اللي كـل ماراحـت تعـود
مكانهـا مابيـن قلبـي وصـدري ٍٍ


ناسٍ تنام مدهنة فـي دهـن عـود
وناسٍ تنام مدهنـة بزيـت مقـري ٍٍ


لاواهني اللـي حلالـة مـن الـذود
تسعين وضحى كل ماضاق يسـري ٍٍ


يسـج معهـا كـل ماهبـت النـود
يتبع مسيل السيل في القـاع يجـري ٍٍ


ماهوب مثلي من اقرب الناس مجحود
الله يسامـح مـن طعنـي بظهـري ٍٍ


من راح ماكنه على القـاع موجـود
مايدري انـه اول اسبـاب كسـري ٍٍ


كل ماطرالي قلت مـن قلـت الفـود
ياليت منهـو راح ماعـاد يطـري ٍٍ


لو تستحي من فعلها ايامـي السـود
كان استحت مبطي ولا طال صبري ٍٍ


قدمـت بالموجـود لخاطـر الجـود
لين التفـت ولابقـى شـي حـدري ٍٍ


عطيت من عمري ولا شفت مـردود
ياللأسف للنـاس ضيعـت عمـري ٍٍ


واذا افرحوا واجد على طيحة العـود
هذا دليل انـه فعـل شـي يغـري ٍٍ


بوقف لحالي واتبع الطيـب والـزود
اشره علي ان صغر الوقت كبـري ٍٍ


ماني على بعض المخاليـق محـدود
امـوت مانزَلـت للنـاس قــدري ٍٍ


ٍ
منقول



ٍ

ٍ

لاهنتي على النقل الجميل يامعسفه المهار