الوقـت يامقـسـى عـنـاه وعـذابـه=حطـاب ليـل ولـه معاويـن وفـزوع
احد (ن) منـه يمكـن يعالـج صوابـه=واحد (ن) يموت بعلته مـوت جربـوع
يروح مثـل مقـاط محـد (ن) درابـه=لاحبـل يرقـى ولاصـوت مسـمـوع
بغـى يجيـب رشـاه ورشـاه جـابـه=من عالي الشفه علـى ضربـة الكـوع
هـذا مقـاط اللـى ارشـاه التـوابـه=واصبح مثل للناس في كـل موضـوع
قصـة مـقـاط وقصـتـى ماتشـابـه=اسباب وقت وكـل قصـه لهـا نـوع
مقـاط صفـى فـي زمانـه حسـابـه=وانا بلشت بوقت طامـع ومطمـوع
كم واحـد (ن) وقـت اللـزوم تهقابـه=واليـا نصيتـه غيـر الطبـع بطبـوع
والصاحب اللى صحبتـه ضحـك نابـه=يبيني ابقى لـه علـى الـدوم مـزروع
ان شـاف وجهـي قـال يامرحبـابـه=وان غبت ينسانى على راس الاسبـوع
واليـا نسانـى منهـو حظـرة جنابـه=انساه واجعـل دونـه الخـط مقطـوع
وعيب (ن) عليـّه كـان طقيـت بابـه=لوانّي امسي بالخـلا ميـت (ن) جـوع
مـن خلقـت الدنيـا تجـوع الذيـابـه=بس المهـم تعيـش والـراس مرفـوع
وتكسب بعـز النفـس قـدر ورحابـه=وتمشى على خط (ن) سليم (ن) ومشروع

مـن خلقـت الدنيـا تجـوع الذيـابـه=بس المهـم تعيـش والـراس مرفـوع
وتكسب بعـز النفـس قـدر ورحابـه=وتمشى على خط (ن) سليم (ن) ومشروع

المشاركة الأصلية كتبت بواسطة مبارك الخييلي (المشاركة 360274) صح السان الشاعر الزلامي وعتلى شانه وجعل يمينك سالمة يابو مشعل على سردها لنا بيض الله وجهك تقبل شكري والتقدير

المشاركة الأصلية كتبت بواسطة الزين (المشاركة 360346) مـن خلقـت الدنيـا تجـوع الذيـابـه=بس المهـم تعيـش والـراس مرفـوع وتكسب بعـز النفـس قـدر ورحابـه=وتمشى على خط (ن) سليم (ن) ومشروع لاهنت علي النقل الطيب وصح لشان الشاعر الرائع رشيد الزلامي

المشاركة الأصلية كتبت بواسطة محمد الولامين (المشاركة 360351) صح لساان الشاعر رشيد الزلامي ولاهان من جاب القصيده بيض الله وجهك على النقل تقبل تحياااتي

المشاركة الأصلية كتبت بواسطة شافي المخاريم (المشاركة 360772) يعطيك العافيه ابو مشعل على ايراد القصيده الرائعه للشاعر الكبير رشيد الزلامي و انا احد الذين يحفظون قصائده ياليت تزودنا بقصائده الرائعه اخي ابو مشعل شاكرلك على ما طرحته تحياااااااتي