بديت رجماً طويلاً هاضني مرقاه=رجماً هواجيسه تهيض المعنا
ادير فكري ساعةً في حجاياه=لين القوارع جات منا ومنا
لامن جفانا الهضب رحنا وجيناه=وبيوتنا في كل داراً تبنا
لاناض برق الوسمي تبعناه=ولا ناض براق الصيف سند ضعنا
ربعي كما نواً سبق بارقه ماه=من طاح في دقلاتنا ماشحنا
عند التلاقي يوم وقت المثاراه=ننطح شفاة وجيههن لاقبلنا
لامن قزت ضو المعادي لطمناه=من شامنا وسبيع ولا يمنا
كم شيخ قوم منها نقصر خطاه=لا الله قدر سوا المقادير منا
اللي معه في الهوش دبر وخلاه=عليه عكفان المخالب تثنا
كم من كسير راح والدم يبراه=من غير ضلعه لاجبر ما ومنا
لالا السعودي والسيوف المحناه=اللي حكم باالشرع لين اطمعنا
اللي حكم نجد وقوم قراياه=لين الرعايا باالفضا يرتعنا
لانطرده مادامت العين تاراه=بمسلباتً ظربهن يشلعنا
كل ابلجً تزها البلاجيك يمناه=لاجاه صياح الضحا ماتونا
ياما خذو الحق وياما خذيناه=الحق مانهفيه منهم ومنا
كالو لنا با المد وبصاع كلناه=وانا احمد الله جت على ماتمنا
قصيرنا يقلط اليا دعيناه=نظفي عليه اثيابنا اليا زبنا
عاداتنا للجارنحمل خطاياه=وليا كان يزعلنا مانبين زعلنا
الواسطه ماخلت الحق نرضاه=ان ارتضينا غصب ولا سجنا
صفاتنا بين القبايل محناه=لو الخطا من غيرنا قيل منا
في واديً كل القبايل تمناه=بين الجنوب وبين نجداً نزلنا
من صلب (زايد) جدنا اليا ذكرناه=مثل الجبل من جا ذراه استكنا
حضر وبدوان على كل مشهاه=كم دايج يشبع بساحة وطنا
غرساً جنابه بالمشوك حميناه=هدب الجريد الي حثرها ايتثنا
خذاه (زايد) جدنا وحتميناه=واصبح جنابه صافي من طعنا
وصلاة ربي عد وبله ومرعاه=اعداد ماغرد حماماً وغنا