|
? ! هايلكس للمكشات !?
السلام عليكم ورحمة الله وبركاته :: :: ! هايلكس للمكشات ! :: صور هايلكس للمكشات شفتها في أحد المنتديات مصوره راعي الموتر وشارح لكم كل شي مسويه فيها قلت لازم أخليكم تشوفونها يمكن تشترون مثله لكشتاتكم :: أخليكم مع الصور :: http://www.f902.com/up/uploads/f4c8116ade.jpg كما ترون السيارة تايوتا هايلكس 2006 سويت عليها شراع خلفي أو مايسمى ( شد ) ياباني بنظام الأجنحة أو كما يطلق عليه البعض ( الطيارة ) وهو عملي إلى ابعد الحدود http://www.f902.com/up/uploads/b2ac6ced69.jpg وهذي صورة للجناح الأيسر والذي يحتوي على لوحة التحكم ( على بالي لوحة تحكم شركة الاتصالات ) المهم فيها محول كهرباء 220 بالإضافة إلى افياش ثنائي وثلاثي وفواصل لمبات وكذلك لمبات في كل من الجناح الأيمن والأيسر http://www.f902.com/up/uploads/29ee8773ff.jpg طبعا نظام الشد هذا أصبح مألوفا ومشاهد في المنطقة وليس بجديد ولكن الجدير بالذكر هنا هذا الدرج المتحرك والذي بإمكانك سحبه وإرجاعه إلى وضعه الطبيعي متى ماشئت وهو يحتوي على قسمين كما يلي http://www.f902.com/up/uploads/e7df81910f.jpg : http://www.f902.com/up/uploads/8e31b90345.jpg كما ترون القسم الأول يحتوي على أغراض الشاهي والقهوة والطبخ بجميع أدواتهما والقسم الثاني خاص بالحطب http://www.f902.com/up/uploads/5cd762b6a1.jpg وهذي المظلة المتحركة أيضاً عملتها لتقي من الشمس والمطر وهي سهلة التركيب والفك كما ترون مثبته بخمس حلقات في الجناح وعمودان في الأرض وفي نفس الوقت غير مكلفة طبعا كل الكهرباء الخاصة بالقسم الخلفي ( الشد ) على بطارية أضافية مشبوك عليها المحول واللمبات بالإضافة إلى الثلاجة والكنوود طبعا 80 أمبير http://www.f902.com/up/uploads/b57ba4e340.jpg :: اتمنى عجبتكم يا أصحاب المكشات والرحلات لاتنسوني من الصيد :: : |
رد: ? ! هايلكس للمكشات !?
أبشر بالصيد لاهنت |
رد: ? ! هايلكس للمكشات !?
صور حلوه
السيارت هذي لواحد من الاصدقاء خالدي راعي كيف لاهنت |
رد: ? ! هايلكس للمكشات !?
بارك الله فيك أخي أبوراشد على هذه الصور....
وعسى الله يوفق صاحبها.... |
رد: ? ! هايلكس للمكشات !?
هذه السياره اللي تستاهل قيمتها
لاهنت يابو راشد على الصور الجميله ولاهنت على كل حال تحياااااااااتي |
رد: ? ! هايلكس للمكشات !?
عجيبه والله
لاهنت يابو راشد دمت بود |
رد: ? ! هايلكس للمكشات !?
واااااو والله فكره خطيره ولا اروع مشاءالله جااااااااااري التطبيق باذن الله الله يعطيك العافيه يابو راشد ولا يهينك والله يهنيه فيها تحياتي لك |
رد: ? ! هايلكس للمكشات !?
وش ذا الحركتاااااات ماعاد خلوووو شي
لااااهنت يابوووهادي عالصووور تحياااتي |
رد: ? ! هايلكس للمكشات !?
ماشاء اللهـ علي التفكير والابداع الطيب لاهنت ياخوي وبيض الله وجهك علي نقل الصور الرائعهـ |
رد: ? ! هايلكس للمكشات !?
لا هنت لا هنت يا فهد موضوع مميز من شخص مميز الله يعطيك العافيه وأن قنصت ياخوك لا تنساني تحياتي وتقديري |
رد: ? ! هايلكس للمكشات !?
ما شاء الله يا ابو هادي
عز الله ان راعي الموتر راعي مزاج وراعي كيف الله لا يضرهـ الله لا يهينك على الصور يا ابو هادي وجعلك تسلم |
رد: ? ! هايلكس للمكشات !?
حلوى ياذا الهايلكس
بيض الله وجهك على النقل يابو راشد |
رد: ? ! هايلكس للمكشات !?
اشهد بالله انه شقردي وحضاب وعزالله انه مهوووووووووووب ارفل ولونها على جيب او سيارة دبل كان ياسلام معاد يرده شي الله يستر عليه ويحتاج بس ونش سحب اعجبتني الدكة والمظله والشغله كلها متمكن اه بري حالي يجينا البلا من العزبه والجشان والشيل والحط والتغسيل الرفاله ماتخلي اهلها ههههههه:d9: (( على ظهوررررررها يارجاجيل وكل واحد يسحب فراشه ومبتلش فيههههه)) ونحترم المراويح لكن مع ذا منيب مخلي ديره قدام اي مكان قدام :18: والله موتر روضة خريم ...... واي مكان قدام :18: :18: :18: :18: :18: اربعه نفر مستنسين مع راعي الهيدا هههههههههههههههه الله يعطيك العافية لاهنت يابو راشد لاهنت على ما قدمت وجاري التفكير ياليت من اللي يعرفونه يزودونا بالمصمم والمكان والعلم الله انه من اهل القصيم |
رد: ? ! هايلكس للمكشات !?
ماشاء الله تبارك الله
مخ صيني على كيف كيفك العزبه جاهزه يبو هادي مشينا تحياتي تقبل مروري |
رد: ? ! هايلكس للمكشات !?
جعلك تسلم على الصور يابو راشد
ومعاد خلو شيء بس الله يجيب المطر والخير علشان تزين ولا زلحين البر حر وشمس والارض خاية من العرب والعشب عسى الله يجيب الخير .. |
الساعة الآن 01:04 PM
 |
Powered by vBulletin® Copyright ©2000 - 2025, Jelsoft Enterprises Ltd.
---