|
نخوة قصيد
بسم الله الرحمن الرحيم متواضعه اضعها بين ايديكم اتمني ان ترتقي لـ ذائقتكم (نخوة قصيد) إن كنت جاهل فانشد الناس عني من قبل لا تصدر بحكمك عليه بنات فكري بالشعر ماعصني جتني هجوسه مثل صف السريه اليا زهمت الحرف بالصوت اغني ما قد عصاني عاسفته يديه القاف يا ابن الناس ما يمتحني والا الردي ماله يا كود الرديه اسخر بيوت الشعر والفن فني الشعر ورثي ماخذيته عطيه انخى القصيد ولا بعد خاب ظني واحكم بيوته بين روحه وجيه اكتب واحفظ الشعر من صغر سني من بيت شعّـار لهـم مقــدريـه جدي وابوي اشعارهم يذكرني ودروبهم سقنا عليها المطيه اجاوب الذياب الخلا لا عوني واشري وابيع وسلعتي عالميه مانيب في ممشى الرجال متوني والحمد للوالي عزومي قويه اقوم في حق الخوي لا زبني ياقطع خوي ٍ ما يقوم بخويه والضيف لا جا من بعيد متعني يبشر بدهن العود والشاذليه في دلة تعبى بهيلٍ وبني يامقلطين الكيف فالزمزميه يموت راعي الطيب مازعل مني واموت ما زعلت راعي الحميه بالمختصر لا تنشد الناس عني ما دامك بعيد فـ انا ماعليه للشاعر : ناصر بن ابراهيم المفرج التميمي |
رد: نخوة قصيد
|
رد: نخوة قصيد
الشاعر ناصر المفرج
صح لسانكـ على هذه الجزله الممتعه اشكرك على إمتاعنا بقرأتها |
رد: نخوة قصيد
|
رد: نخوة قصيد
صــــــح لســـاااااانك ..
|
رد: نخوة قصيد
صححح لسانك واعتلى شانك ولاهنت على القصيده الطيبه
|
رد: نخوة قصيد
اقتباس:
صح بدنك ... و ماعليك زود ... و بيض الله وجهك على هالتواجد الطيب ابد خذ راحتك ... انت ابوها و سمها :) لاهنت يالنشمي |
رد: نخوة قصيد
اقتباس:
صح بدنك .. و شاكر لك طيب تواجدك لاهنت |
رد: نخوة قصيد
اقتباس:
صح بدنك ... ابيض و جه يالغييثي .. اسعدني تواجدك لك الشكر و التقدير |
رد: نخوة قصيد
اقتباس:
صح بدنك كل الشكر |
رد: نخوة قصيد
اقتباس:
صح بدنك اسعدني تواجدك كل الشكر |
الساعة الآن 12:35 AM
 |
Powered by vBulletin® Copyright ©2000 - 2025, Jelsoft Enterprises Ltd.
---