::: مـنتدى قبيلـة الـدواسـر الـرسمي ::: - يبه .. قهوة [صباح الخير] تسأل ليه خلاني .. ؟

- :: قسم الـشعر العــام :: (http://alduwaser.org/vb/forumdisplay.php?f=16)

- - يبه .. قهوة [صباح الخير] تسأل ليه خلاني .. ؟ (http://alduwaser.org/vb/showthread.php?t=41172)

يبه .. قهوة [صباح الخير] تسأل ليه خلاني .. ؟

السلام عليكم ورحمة الله وبركاته

من روائع ما قرأت ... وكم أتمنى أن تحوز هذه الأبيات على إعجابكم

ألا يا ليل من طولك تعبت أتابــع الأفــلاك
و جلست أتأمل الدنيا وأتسلا على أشجاني

ألا يا ليل ذا قلب بدويه ممتلىء بأشواك
يغني للقمر بلحون تشبه لحن جداني

ياغالي سنين من بعدك وبنتك ما قوت تنساك
و كيف أنسى ووجهك منرسم فعيون عماني؟

بحاول أبتعد عنهم بروح بعيد لين ألقاك
بضمك داخلي لو كان تشويني وتصلاني

و بقول أن ضاقت الدنيا يا ربي همي مايخفاك
يارب آنا في وقت الحزن ما أعرف غير قرآني

يا حزني قل لي من جابك بعد ما خاطري وداك ؟
أبسأل منهو يدلك ؟ ومن يعطيك عنواني ؟

بتم الحين سبع أيام وأنا في المجلس أتحراك
و أعد نجوم ليلي لين يبدأ يومي الثاني

تعرف يا الحزن طبعي وطبع الحر ما يخفاك
أقلطك بوسط صدري وأكرم كل ضيفاني

يا أبوي الناس تسألني وينه عنك من رباك ؟
يا أبوي أعرفك ما ترضى لقلبي هموم وأحزاني

تذكر يا يبه كل صبح أضم ايديك واتفداك
يبه قهوة صباح الخير تسأل ليه خلاني ؟

خلاص أوعدك ياغالي ورب الكون ما أعصاك
بنام الليل من شانك وبتقن درسي إتقاني

و لأني مؤمنــه بالله عيني ما بكت فرقـــــاك
و بقى غيابك مثل جمره استقرت وسط وجداني

ودٌّ بــلا حدْ