|
الموت هيّن والبلا وش ورى الموت....
الموت هيِّن والبـلا وش ورا المـوت عند الحساب .. يهـون سهـم المنايـا باكر نموت و تصبح قبورنـا بيـوت وعقب القصـور بضيقـات الزوايـا فجوف الارض وكل من حولك سكوت و تعاقبـن بالقبـر عـوج الحنـايـا يارب يا منجي نبيـك مـن الحـوت سترك وعفوك يـوم كشـف الخفايـا باكر ليا جينا علـى داعـي الصـوت شيبـان واطفـال وشبـاب وصبايـا ندعي وحنَّـا بيـن باكـي ومبهـوت ورحنـا لهـا ننقـاد مثـل السبـايـا يا رب تهديني قبـل لحظـه الفـوت وتغفـر ذنوبـي يـا كريـم العطايـا أشكيك همٍ داخـل الصـدر مكبـوت وأيَّامـي اللـي بالخطـايـا مـلايـا إن لاذ بك من كان طايـع و مبخـوت فـي مـن يلـوذ المرتكـب للخطايـا يا رب يا قادر علـى كـل طاغـوت لا ياقف اللـي وحّـدوا بـك خزايـا رحماك لا منّا صحينـا مـن المـوت واليـا وقفنـا عنـد بابـك عـرايـا للشاعر .. متعـب التركـي |
النادره
الله يسلمك اختي على النقل الريع والله يصح السان الشاعر وناقل وننتظر منكي الجديد ولكي تحياتي |
يا هلا ومرحبا بك مليون يا ابن هديهد... شرفني وأسعدني مرورك الكريم ... فشكرا لك أخي على تعطير متصفحي بهذا المرور الطيب. النادره |
باكر نموت و تصبح قبورنـا بيـوت= وعقب القصـور بضيقـات الزوايـا
الاخت الفاضله النادره صح الله السانك عتلا شانك على هذا النقل المميز الذي عوتينا عليه اختيار موفق بهذي القصيده المعبره والناصحه لمن اغتر بهذي الدنيا. وصح الله السان الشاعر متعـب التركـي على مقدم وعسى الله يحسن خاتمتنا ويغفر لنا ولوالدينا والمسلمين.... تقبلي تحياتي وتقديري اخوك / فـــهــــد الـــغـــريــــري,,, |
يا حياك الله ومرحبا بك أخوي فهد... اللهم آمين لكل ما قلت ويعطيك العافيه ... مشكور أخوي على المرور الجميل... النادره |
يا رب تهديني قبـل لحظـه الفـوت
وتغفـر ذنوبـي يـا كريـم العطايـا أشكيك همٍ داخـل الصـدر مكبـوت وأيَّامـي اللـي بالخطـايـا مـلايـا أختي : الجوهرة نقلتب فأبدعت قصيدة ذات كلمات قوية مؤثرة للغاية أشكرك على أختياراتك وننتظر جديدك |
سلمت يمناك اختي الجوهره فلاعجب اسمك الجوهره
والجوهره لاتختار غير الجواهر الى الأمام بارك الله فيك اخوك جريح |
الأخت الفاضله : الجوهره حديثاً والنادره سابقاً الحقيقه كلا الأسمين مطابقين لكي وذلك لما لكي من ثقل وتميز في هذا المنتدى فوجدنا هنا نقل متميز كما هي العاده فسلمت يداكي على ماكتبت لنا من إبداع متميز وصح الله لسان الشاعر : متعـب التركـي وفي إنتظار ماتكتبين من روائع عاطر التحايا من محب الجميع : دغش البطي |
يا رب تهديني قبـل لحظـه الفـوت
وتغفـر ذنوبـي يـا كريـم العطايـا الاخت الجوهره النادره اختيار موفق لقصيدة جزله وجميله واكثر من ذلك معانيها والرسالة التي تحتويها صح الله لسان الشاعر وسلمت اناملك على نقلها لنا تحياتي لك |
أشكيك همٍ داخـل الصـدر مكبـوت = الاخت الجوهره يعطيك العافيه على الاختيار الجميل بالفعل قصيده جدا طيبه لما تحمل من مواعض صح لسانك و السان الشاعر متعب تحياتي لك |
ابيات رائعه وفيها حكمه صح لسان شاعرها
والله يحسن خاتمتنا ووالدينا مشكوره على الابيات يا الجوهره تقبلي اطيب تحيه |
الساعة الآن 10:21 PM
 |
Powered by vBulletin® Copyright ©2000 - 2025, Jelsoft Enterprises Ltd.
---