في تحفظ جيت صوبك انشـدك اي الديـار!!=وفي تحفظ جاوبتني رقتـك "بنـت قطريـه"
اشهد اني ما كذبت ان قلت في حسنك دمـار=انتـي كلـك جاذبيـه فجاذبيـه فجاذبـيـه
من لمحتك واقفـه شفـت السكينـه والوقـار=كنّك السيف المهند لا خـذى راس الخطيـه
اعتقد لامـن بغيتـي تقطفيـن مـن الثمـار=الثمـر يسبـق يدينـك ويتساقـط باريحيـه
واعتقد لامن طلعتي الصبح في وضح النهار=شمسنا تغيب وتقول النور هـذا فيـه زيـه!!
واعتقد لا من رسمتي قلب في وسط الجـدار=الجدار يصيـر كائـن وده يضمـك شويـه
واعتقد لامن كتبتي بيـت مكسـور انكسـار=تزهمك كل القصايـد "اكسرينـا يـا قويـه"
واعتقد لامن لبستـي فـوق خدينـك خمـار=يختفي سوق البراقع عند كـل بنـت بدويـه
واعتقد لامن خذيتي باسهـل الاشيـا قـرار=كل قاضي يستشيرك كيـف تنحـل القضيـه
واعتقد لامن بديتي فـي التناقـش والحـوار=كنّها حروفك ورود وكنّـك انتـي مزهريـه
واعتقد لامن خطيتـي وانجبرتـي باعتـذار=العذر يطلبك عفـوك قبـل لا يقـدم هديـه
واعتقد لامن مشيتي درب صعـب الانحـدار=كل سهل يصيح لبى رجلك ان داست عليـه
واعتقد لا جرحت ايدك وانتثر دمـك وثـار=دمك المنثـور يحسـد كـل نقطـة دم حيـه
واعتقد لامن يمينك صافحت غـارت يسـار=ودّهـا ان اليميـن تقـول اعطيـك اولويـه
واعتقد كل ما استحيتي وانقلب خدك حمـار=الغروب يجيك زاير يسـأل شلونـه خويـه
واعتقد بينك وبين البـدر حـالات انصهـار=مدري ماخذ من سناك او ماخذه من نور ضيه
واعتقد صوتك منابر واعتقـد فكـرك منـار=واعتقد لك حس مرهف فيه كـل الشاعريـه
واعتقد عينيك ساحـل وفمحاجرهـا محـار=واعتقد رمشك جيوش تصف صفه عسكريـه
اعتقاداتـي كثيـره دام طـار العقـل طـار=ما تكفينـي المعانـي والحـروف الابجديـه
كل بيت انقال فيها كـان يقـدح بـه شـرار=وكل معنى طر جيبه مـن معانيهـا البهيـه
لو يشوفك حسن يوسف كان من حسنك يغار=ولو لحقتي عصر ليلى عاف قيس العامريـه
لمسة ايدينك عذاب وشوفتك تعنـي انتحـار=انخلقتي من ندى الما يعنـي مخلوقـه نديـه
ان ضحكتي فز قلبي وان بكيتي شـب نـار=جعلني ماذوق حزنك او اشوفـك فـي أذيـه
يا مسى الدوحه وريحة سوق واقف باختصار=يا هوى الفرجان والكورنيش في وقت العشيه
يا غلا خور العديد ويـا فضـى ام الزبـار=يا فلا زكريت وام بـاب وهـدوء السافليـه
اعترف لك من لمحتك عشت لحظة انبهـار=واعترف لك من شهقتك كنت احسبك اجنبيـة
ما انتبهتي كيف جيتـك اسئلـك اي الديـار=جيت متحفظ وخايـف مـا تكونـي يعربيـه
انتشيت وقمت اغني اه يـا الدوحـه عمـار=يوم قالتها بتحفـظ رقتـك " بنـت قطريـه

المشاركة الأصلية كتبت بواسطة برنسيسه الريــــاض (المشاركة 481580) أبــــــــــــــــــــداع ...... شعر رائع ....... أقف عاجزه عن وصـــفه ,,,,,,,,,, كل الود ,,,,

المشاركة الأصلية كتبت بواسطة خيالية (المشاركة 481584) يعطيك العااافيه ،، وصـــــح لسااانك .....