::: مـنتدى قبيلـة الـدواسـر الـرسمي ::: - قصيدة مبارك القحطاني في الرجبان

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - قصيدة مبارك القحطاني في الرجبان (http://alduwaser.org/vb/showthread.php?t=4262)

قصيدة مبارك القحطاني في الرجبان

السلام عليكم .

هذه قصيدة قالها الشاعر/مبارك بن عيد ال سويدان القحطاني.

ابن عيد(ن) باد(ن) في حجا مابان=يالله لاتسقي مذب المراقيبي
ياراكب اللي كنها شامس العودان=عليها عيال(ن) يتعبون المطاليبي
تنحر رجال فعلهم في اللقا بان=يحدد جملهم دون حرش العراقيبي
ترى المرجلة كود(ن) وفازو بها الرجبان=تنشر لهم بيضا بروس المهاضيبي
تمالوا بفعل الطيب مامنهم اللي خان=فعلن صحيح سولفت به الاجانيبي
حمو جارهم الخنفري ذاك بن خلفان=حموه وحمو شقحن زهن الدباديبي
في وسط نجد بالمشاقيق يوم شان= على محمد بن حميد عاف المكاسيبي
غدو كنهم العارض مع مقدم الذيدان=حمو فطر(ن)سود(ن) عثانيها شيبي
يقوله فهيم(ن) يصرع القاف بالعنوان=يلعب بزين القاف ويرد ويجيبي
مدح(ن) على عز(ن) وطيب(ن) على برهان=هل المجد والناموس غصب بلا طيبي
والشاهد الله ثم تشهد به العربان=يسجل به التاريخ بيض المكاتيبي

مع تحيات .....العقيد.....

يا والله ونعم بالرجبان وانهم والله كفو

وعلومهم ترفع الراس ونفخر بها

الاخ العزيز / العقيد

اشكرك على نقل هذه القصيده

اللي في بني عمنا ولا هيب غريبه عليهم

وعساك على القوه دائما

اخوك

ابو عبد الله الشكري

أبو عبدالله . يامرحبا والله ومسهلا .

والله لايهينك على المرور .

وماعليك زود طال عمرك.

اخوي الغالي العقيد صح لسانك ولسان الشاعر واشهد ان الرجبان يستاهلون من طاب مالحقه الا كل علمن طيب

اخوك: الصخيبري

صح السان الشاعر

وسلمت يمنى الناقل

ويستاهلون الرجبان المدح وافعالهم ترفع الراس

لاهنت يالعقيد وجعل عمرك بالطاعة مديد

تحياتي

كفووووووووووووو والله الرجبان يفعلون اكثر والنعم ماتوفيهم حقهم

لاهنت يالعقيد وبيض الله وجهك علي القصيده الجزله وصح السان الشاعر والسانك

كفو كفو

ولايجي من الطيب الا طيب

والله يعطيك الصحه والعافيه يا العقيد

ولاهنت يا القرم

صح السان الشاعر

وسلمت يمينك اخوي العقيد

ويستاهلون الرجبان المدح وافعالهم ترفع الراس

لاعدمناك ياذيبااان

ولاتبطي بجديدك ،،،


	تنحـر رجـال فعلهـم فـي اللقـا بــان يحـدد جملهـم دون حـرش العراقيـبـي ترى المرجلة كود(ن) وفازو بها الرجبـان تنشر لهـم بيضـا بـروس المهاضيبـي تمالوا بفعل الطيـب مامنهـم اللـي خـان فعلـن صحيـح سولفـت بـه الاجانيبـي حمو جارهـم الخنفـري ذاك بـن خلفـان حمـوه وحمـو شقحـن زهـن الدباديبـي في وسـط نجـد بالمشاقيـق يـوم شـان على محمد بـن حميـد عـاف المكاسيبـي

و النعم بالرجبان و يستاهلون المدح
صح الله لسانك يالعقيد و لسان الشاعر القحطاني

أخوك في الله

العرابي

بيض الله وجهك يالعقيد على ذالقصيده

اللي في قوم يحرونبها وبكل علم طيب

تحياتي لك--ابوشجاع

الأخوة الكرام .

عبدالله الصخيبري.
أبو محمد الودعاني .
تركي الودعاني.
سعد المقابلة .
أبوفهيد .
العرابي .
ابو شجاع .

مشكورين على المرور وماعليكم زود .

لاهنت اخوي العقيد علي الموضوع الرائع وبيض الله وجهك على النقل الأروع

تحياتي لك

الأخ العزيز ماجد

مشكور على المرور والله لايهينك .

أخوك ......العقيد......

الله لا يهينك وبيض الله وجهك

لا هنت اخوي العقيد على النقل المتميز

و يستاهلون الرجبان مقيدة الجمل بالحديد ،،،،،،،،،،