مرحبا ترحيبة الطيب في الليل السعيد = في محل اللابه اللى يضدون العدا
ودي البس مبارك هنا ثوبٍ جديد = لجل ينسى حزن الايام ويطول المدا

البقا ياللي ترحب ترى المسرى بعيد = استعدوا للطواريق ياسقم العدا
لابسٍ لي بشت يضفي على خلقٍ عديد = والله اني عارف انك بعيد عن الردا

ان ذبحك الجوع حذرى تعلم وش تريد = العشاء مابه عشاء والغداء مابه غدا
شيبت لحيتك لاكن ما حصلت فيد = كل ماتسمع ندا جيت من شان الندا

صاحبي سلطان غادٍ مثل ساعي بريد = ضاربٍ له طرقة سرهدا ماله مدا
لو لمسنا الجرح يطلع معه دم وصديد = لالكن اداويه ساعه ويركد ويهدا

يال مره علموا صاحبي ينسى القصيد = يقطع الله بيت شاعر مايلقى له صدا
والله اني شايف الموت في حبل الوريد = وانت ما تدري عن الذيب يوم انه عدى

النشيد اللي تقولون ما هو بالنشيد = لا تطيح بحفرتك يالحصان الامردا
عقب ما غنيت بيتين وازعجت العبيد = كل ما طقوا لك اطبول ترقص وتحدا

يامبارك جعل عمرك مع العالم مديد = مرحبا لاجيت ولا الخطا يلقى بدا
عاقل المرة هنيا فقد كل الرصيد = القدى ما هو بحوله ولا حوله قدا