::: مـنتدى قبيلـة الـدواسـر الـرسمي ::: - غر أبرهه ركبه على فطحة الفيل

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - غر أبرهه ركبه على فطحة الفيل (http://alduwaser.org/vb/showthread.php?t=44888)

غر أبرهه ركبه على فطحة الفيل

السلام عليكم ورحمة الله وبركاته
هذا زميل لي من أيام دراسة المرحلة الثانوية في وادي الدواسر قبل اكثر من عشر سنوات وبعد التخرج جيت الرياض من اجل إكمال الدراسة وكان هذا الزميل اسمه علي المالكي وهو من أهل الجنوب ، وكان من الأصدقاء الوفيين والمقربين مني وبيني وبينه مراسلات أخوية ومداعبات وقد اخترت لكم هذه الأبيات التي أرسلها لي من باب المزح ومعه نوع من التحدي::20:

سر ياقلم واكتب علوم تهاويل = تهول اللي ما تهول علومه
سلم على راشد وباقي الرجاجيل= سلام من عندي وانا اللي اقوله
ثم سلمه تسليمتن مابها ميل = وارفع شعار اللي تبين فعوله
تحدي يجرف كما يجرف السيل= قصيدة من شاعر به ...وله
يقول انا اللي ذلل القاف بالحيل=وان كان هو ناقص يكمل كموله
والشعر عندي وازنه والوزن كيل=أنزل بقيعانه واروض فحوله
وإن كان به شاعر وفي راسه الخيل= يركب اعاليها ويضرب ذيوله
إحذر تحداني ترى نقمتي ويل = واحذر تقرب من بيوت مهوله
وإن كان في راسك علوم بلا شيل= أشيل من راسك علوم....
وانا انتظر ردك على غير تأجيل = واحذر توهق من لسان جفوله
هذا كلام المالكي تالي الليل = والله يقدرني على اللي أقوله

والسموحة على بعض الكلمات غير واضحة وربما للهجة دور في ذلك ، وقد رديت عليه بالأبيات التالية:

سر ياقلم واكتب حروف وتماثيل = من شاعر يدرك خفا مايقوله
من شاعر من نسل ربع حلاحيل= ويكتب قصيد له يترجم فعوله
أهلا هلا يالمالكي بالمراسيل = وكلاً على المسرى يجهز ذلوله
ليلك طويل ومقتفيك البهاذيل = غرتك نفس للمشاكل عجوله
هات السمين وخل عنك المهازيل=وكانك تحدى برهن اللي تقوله
غر أبرهه ركبه على فطحة الفيل= وجته السهام اللي بسرعة تزوله
أكتب قصيد مادخل فيه تهويل = وأدرسك فن الشعر والمقولة
ورثتنا قو العزايم من الجيل = جيل مضى ياسعد منهم غدوله
مانيب اجمع هافي القول والقيل = ومثلك شياطين البشر وسوسوله
قبل أمس تسال .يبغي الوزن تعديل!!!= ياللعجب واليوم تفهم أصوله
ذي سكة مالك وراها محاصيل = وهزيمتك بالقاضية كل جوله
هذا كلام الدوسري ذابح الحيل = وكلا على مسراه تمشي رجوله