سميّك إن ناديت حسيت أناديك=أحاول أخفي نشوتي و إبتسامي
و الا انتي لو ناديت من غير الاقيك=بأعجز آفرّق بين خلفي و امامي
يزودها لاجاني رد من أشافيك=أضيع و أضيّع مرادي و كلامي
من دوختي بتحسي مانيب أراعيك=و أن الفكر هاجوس في الغير حامي
و لاّ الحقيقه كثر ماأشتاق و ابيك=ضيّعني زود الحرص بك و إهتمامي
ودّي أقول انّي على الغير مغليك=و ان المشاعر كلّها لك ظوامي
و إنّي غريقك حنّي و مدّي ايديك=صحراء الوله بركان بالشوق حامي
و اني أعيش العمر عاشقك راجيك=و القلب مهما غبتي ما عنك شامي
عاند قدرنا و عاش عاشقك هاويك=هواه يحيا حُب عُذري و سامي
و لو يوم يقدر يلحقك في خطاويك=ما وقّف الاّ و اللقا له وسامي
إثبات لأغلى حب عاشه معك فيك=لا فارقك نوره يضوي الظلامي
سميّك إن ناديت حسّيت أناديك=أغلى البشر و احلى جميع الأسامي

المشاركة الأصلية كتبت بواسطة جذابه بنت ذيابه (المشاركة 527997) و لاّ الحقيقه كثر ماأشتاق و ابيك ضيّعني زود الحرص بك و إهتمامي ودّي أقول انّي على الغير مغليـك و ان المشاعر كلّها لـك ظوامـي و إنّي غريقك حنّي و مدّي ايديك صحراء الوله بركان بالشوق حامي قصيييده بقمة الروعه وگلمات يحتويها الشوق بجد قصيده رآآقت لي گثير سلمت يدآآآگ

المشاركة الأصلية كتبت بواسطة محمد.الخماسين (المشاركة 528004) صح الله لسانك ولسااان قايله لاهنت على الموضوع الاكثر من الرائع تقبل مروري اخوك محمد الخماااسين

المشاركة الأصلية كتبت بواسطة شيهانه بكف صقار (المشاركة 528006) لافــــــــــــــــــض فوك وسلم لنا نقل الراقي دمت بحفظ الرحمن يا اخوي