يامرحبا ياستاد حياك اجاريك=ياللي رسمت وسقت صافي معانيك
انا هنا ويّاك نلعب دبل كيك= والناس تلحق حقها دونه تموت

مرحبا ياعشير الطيبين=هات ونّا على منوالها
هاتها يوم حنّا معربّين=تدرك الحلّ من حلالها

اشارتي لك ياولد ماتجي همس=اشارتي لك ميسمٍ لمسته حمس
اسمع كلامي والقوافي على الدمس=والناس تدرك حقها دونه تموت

المسامه عليها الغانمين=والحقايق على من شالها
لاتماها لطبع المجرمين=خلها بين قيد اقفالها

مادامها يا استاد صارت كذيّا=ماعاد فيها يالمعلّم غبيّا
نعرف صنوف الحر هو والحديّا=والناس تدرك حقها دونه تموت

من زمانٍ وحنا خابرين=الردي شبّها ما اشتالها
مير ما دامهم به عارفين=خلها فوقهم همّالها

مادام به ناس وسيعة مذاهب=تمشي وتاخذ ماتريده مواهب
ماعاد باقي غير تبقا رواهب=والناس تدرك حقها دونه تموت

اعلنتها وتحلف باليمين=وجت وكيله لكل اعمالها
تايوان اعلنت ماهيب صين=ناسيه كيف هو منزالها

لاحول انا ياستاد لاحول لاحول=لاعاد لي كرتٍ ولا عاد لي قول
ماعاد باقي غير نزرع عدس فول=والناس تدرك حقها دونه تموت

لا ولالا ولالا مرتين=من جهل ذاق مرّ حثالها
تآيوان استقادت غلطتين=كلّها من سبب جهالها

ياجر قلبي جر دلو المحاله=في كل صبح وكل ليل وحاله
ماينشب العالم سوى كل عاله=والناس تدرك حقها دونه تموت

دام ماعاد به ذمه ودين=خارطتهم تحوش جبالها
خارطات الطريق امست تدين=كل ناسٍ وتاخذ مالها

المشاركة الأصلية كتبت بواسطة الـمـحـامـي (المشاركة 533132) صح بدنك ياسى الهجران الله يحييك وانتي محايده اذا انتهت المحاوره تقولين وش الافضل هههههههه والله يعين على الطالب نشف الريق لانه شاعر جزل وعسى الله يجمل