كريم يابارق ساري وانا ساري=والفرق شاسع مابين اثنين في المسرى
مسراك حب العرب في دمعك الجاري=ومسراي من تل قلبي وانتحى حدرى
اللي عليه المشاعرليل واشعاري=اقرى المناجاة من حبه وانا ما اقرى
عليه بيبان قلبي بصمة اقداري=يامر على مايبي في الليل والغدرى
آجي لحبه اجباري وانصفق عاري=عالي مقامه بموق العين له قدرى
حبه جهاري نهاري حطه الباري=لجله تناسيت صوت الليل والغدرى
الناس في الحب ذا بايع وذا شاري=وعيني على ذا وذا من ذلتي وادرى
شقيق روحي وهجره همي وثاري=له في شرايين قلبي بالوفا مجرى
الله من عبرة ما احد بها داري=هذي بساتين حبي بالهوى خضرى
اهديتله من صميم القلب تذكاري=خطيت له قاف شعر شمخ ندرى