يابو فهد والقلـب زاد انشراحـه=من عقب مافارقتنـا كـل هـذار
ولقيت صداتي عن الناس راحـه=لاصار مالي عندهم ياولـد كـار
ناس تشيل الكره بغض ووقاحـه=ابشر بضحك وقلب اسود من القار
ترى رفيـق مايحـب الصراحـه=ماهو رفيق لك ولو صار ماصار
ان جيت له ناصح يجهز سلاحـه=عجل عليك وعند الاهوال ينهـار
ابعد مراحك عن منـازل مراحـه=ناس بـدل نـاس ودار بـدل دار
ممشاك في جـوٍ فسيـح براحـه=اخير من ممشاك مع ميت النـار
وفطن ترى الدنيا شديـدٍ وراحـه=يومٍ معك واليوم الاخر مع الجـار
واعلم ترى عز الفتى في صلاحه=حجٍ وصوم وركعتيـن بالاسحـار

يا هاجسـي عبـر بفـن وفصاحـه=ونق الدرر من عيلـم الجـم فـوار
من عيلمٍ يروي الضوامـي قراحـه=ماتنقصـه سبـع البدائـد والاقطـار
ومن يطلب العليـا ويعلـن كفاحـه=يابو فهد يصبر على صالـي الحـار
وقتك تـرى مابيـن كـفٍ وراحـه=اشرب من الصافي ترى الوقت دوار
والادمـي درب السعـادة فـلاحـه=ممشاً على الطاعه معا درب الابرار
ورفقة رياجيـل التقـى والسماحـه=تعطيه مـن بيـن الرياجيـل مقـدار
ياخذ علـى الدنيـا شهـادة نجاحـه=فيها تجارب مع هل المجـد والكـار
ويلبس من الصبر المبجـل وشاحـه=ويصبر على جاره ولو بالخطى جار
ون كان مايعـرف فنـون السباحـه=قد قيل بالماضي ترى البحر غـدار
وانا بقول الصدق قـول الصراحـه=قـافٍ بغنيـبـه وغـنـوه شـعـار
الطيـر بالجـه يرفـرف جنـاحـه=وإذا انكسر حدى الجناحيـن ماطـار
وعرف ترى ممشا الصحاري سياحه=سبع الفوائد في كثيـرات الاسفـار
وصلوا على اللي ظلمة الشرك زاحه=محمد المعصـوم وألـه والانصـار

المشاركة الأصلية كتبت بواسطة محمد بن حمد الشكرة (المشاركة 538484) ياسلااااااااااااااااااااااااااااااااااااااام صح الله لسانك مدد بلا عدد يابو فهد>>>سجع بيض الله وجهك ووجه الشاعر/راشد بن فهد الصخابرة على القصايد الجزلة والأبيات جميعها مترابطة ومتسلسلة وعز الله ابدعتوا في قصايدكم ياالقروم تحياتي

المشاركة الأصلية كتبت بواسطة ابو زابن المسعري (المشاركة 538493) الاخ الشاعر القدير عبدالله بن فهد صح الله السانك ولسان راشــد الـصخابره وبيض الله وجيهكم على هذه القصائد الجزله

المشاركة الأصلية كتبت بواسطة خالد المشاويه (المشاركة 538504) الشاعر عبدالله بن فهد صح السانك مدد وقصايد جزلة كلها وبيض الله وجيهكم وصح السنتكم جميع

المشاركة الأصلية كتبت بواسطة محمد بن سالم الخضران (المشاركة 538548) ابو فهد ياسلام ياسلام صح لسانك ولسان ابو فهد مبدعين , صوت وصدى

المشاركة الأصلية كتبت بواسطة عاشق هريسان (المشاركة 538568) صح السانك والسانه ولاهنتو قصايد جزله