الليلة آجيب المعاني وللجزله عناوين=أنقى من بيوت الشعر في المواجيب السديده
سلام من صدق المشاعر على نسل الميامين=شيخٍ رقى العليا وله سمعةٍ فيها فريده
شيخٍ من شيوخٍ توارث على القمه سلاطين=لا راح شيخٍ جاك شيخٍ على العزوة وليده
بيت الوفاء والطيب والمرجله سقم المعادين=يتعب جميع الشعر يذكر مواجيبٍ عديده
دواسرٍ لا صاح صيّاح يبشر بالملبين=نعم السند يفرح بهم من حياته به شديده
وأخص ابو مرُّان نعمين في نعمين ..نعمين=مرُّان قدامي ولكنّه محمد عضيده
راع الثلاث البيض فوق الآماره عسر ٍ ولين=زبونها يوم الردي مادرى عنّه حديده
محمد وابوه وجده ولابته ياحاجب العين=والعين ماتعلى على الحاجب ..ودونه وحيده
وخواله ألاد المنيعي هل الهضب المسمين=مروين حدّ السيف يوم الحرايب في وقيده
نار ٍ على لــعدى حطبها مشاويك الميادين=من كل فارس لا اعتزى يبشر بموته ضديده
أقولها وأنا جعيدي مردّد يا احمر العين=من لابة ٍ من دونكم نرخص النفس الكويده
واختامها لا هنت واستسمحك زود حرفين=نعم الوجيه اللي على العز تسمع لي قصيده