::: مـنتدى قبيلـة الـدواسـر الـرسمي ::: - الشاعر سعد بن سالم بن سويحل الخضران الدوسري

صفحة 1 من 2

عرض 40 مشاركات من هذا الموضوع لكل صفحة

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - الشاعر سعد بن سالم بن سويحل الخضران الدوسري (http://alduwaser.org/vb/showthread.php?t=48130)

سعد بن سويحل الخضران

30-01-2010 07:21 PM

الشاعر سعد بن سالم بن سويحل الخضران الدوسري


	أبنصح اللي مبتدي وينقد الناس = ياخذ مع الايام والوقت دوره لاصار نقده في محله فلا باس = أن كان ضايع مانطيعه وشوره وأنا مع الامواج سابح وغطاس = وترا البحر ماكادني في عبوره ترا الذهب مايباع في سوق نحاس = والعود الازرق ريحته في بخوره أبنصح اللي يضرب اخماس واسداس = لايضيع في القسمه ويفشل حضوره بعض العرب يكتب وبالشعر محتاس = قصده يسوي وسط الاعلان صوره يمكن يصيبه بعض الايام وسواس = ويمكن مع الايام يفقد شعوره وانا الى من دق بالصدر هوجاس = انضم قوافيها وأسطر سطوره الشعر لاجا في معانيه حساس = ويربط على قو المعاني جسوره لاصار ساسه في صخر يثبت الساس = قواعده وسط الجبال محفوره

مـع تـحـيـات الـشـاعـر \ سـعـد بـن سـالـم بـن سـويـحـل الـخـضـران الـدوسـري

محمد بن حمد الشكرة

30-01-2010 07:47 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

صح الله لسان الشاعر/سعد بن سالم بن سويحل الخضران

قصيدة جزلة ومعانيها سامية

ولاهنت ياذيبان ولاعدمناك

خالص التحايا

حسن بن بطحيه

30-01-2010 07:49 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

صح السانك يابن اسويحل قصيده جميله ولاتبي شهاده من احد.

بس اذا سمحت لي ياخوك صدقني في هالكلمه الشاعر بطبعه نرجسي ولايرضى بنقد قصيدته.. بس اذا احد نقد اي قصيده يعني نص فهذا لايمس الشخص الانسان نفسه
والقصيده لما تطرح تكون ملك الجميع لازم نتخلص من الحساسيه الزايده.. نعم هناك ناس تنقد وتدور على الهفوه لمرض في نفوسها واشيا اخرى يجب عليك تجاهلها والجميل يفرض نفسه.. اقول هالكلام ونا والله مدري من المقصود لكن دايم اشوف كثيرهنا قصايدهم تتكلم عن النقد لك تحياتي والمعذره هذي وجهة نظر فقط ياطويل العمر حبيت اشاركك بها..

سعد بن سويحل الخضران

30-01-2010 07:51 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

اقتباس:

المشاركة الأصلية كتبت بواسطة محمد بن حمد الشكرة (المشاركة 556834)

نفتخر بك وأمثالك .. وشكراً لك على الاطراء

ومايعرف الجزاله الا اهلها وأنت من اهلها ..

وشكراً لك ,,,

سعد بن سويحل الخضران

30-01-2010 07:55 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

اقتباس:

المشاركة الأصلية كتبت بواسطة حسن بن بطحيّه الودعاني (المشاركة 556835)

شكراً لك على دقه العباره وعلى جزالة القول وأن فيه مثل سايد أن المعنى في قلب الشاعر ويحتفظ بها شاعرها وليس أحد مقصودً في ذلك ..

وإن القصيده تتكون من 70 بيت وأنها على عدت أعمده سوف ترا النور عن قريباً وأحنا نزلنا عشرة أبيات نموذج

ودمت ووفقك الله فيما يحبه ويرضاه ,,

وشكرا لك على الرد العطر ,,,

تقبل تحيات الشاعر ,,, سعد بن سالم بن سويحل الخضراني الدوسري

ناصر بن فهد

30-01-2010 09:39 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

.
.
•
صح لسانك يا ابن سويحلٌ
ولاهنتُ على القصيدهُ

سعد بن سويحل الخضران

30-01-2010 11:50 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

اقتباس:

المشاركة الأصلية كتبت بواسطة ناصر الفصام (المشاركة 556877)

.
.
•
صح لسانك يا ابن سويحلٌ
ولاهنتُ على القصيدهُ

شكراً لك يا أخي ناصر الفصام .. على أطرائك وأهتمامك بالرد ,,

تــقــبــل تــحــيــاتــي ,,,

صبي الصمايل

31-01-2010 12:15 AM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

ترا الذهب مايباع في سوق نحـاس=والعود الازرق ريحته فـي بخـوره

اخوي الفاضل
النقد لايخص الشاعر فقط وانما هناك نقاد يفهمون الشعر ويتذوقونه ويجدون نقده اكثر من الشعار
وارجوا قبل طرح الابيات الباقيه مراجعتها هي والابيات السابقه فهنام ثقل في بعض الكلمات
وليس من نقدك ان حاقد بل العكس ربما اراد لك النصيحه وحفاظ على الموروث الشعبي من العبث
لك ود بلا حد

حفيد الأمراء

31-01-2010 08:18 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

شاعر الجزالة(أبن سويحل)

أرحب تراحيب المطر

وصح لسانك واعتلا شانك

وعزالله معاني القصيدة قويه جداً جدا

وعلى ماقال حمدالسعيد مافيك ياأبن سويحل حيله

وعلى ماقال المريخي فالك البيرق

ويكفي من أبياتك بيت واحد ويمثل قصيدة كاملة

ولو اكتب من اليوم لبكره عزالله ماوفيتك حقك

لاصار ساسه في صخر يثبت الساس=قواعـده وسـط الجبـال محفـوره

فارس الدبالين

31-01-2010 08:32 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

ابن سويحل

صح السانك واعتلا شانك ياجزل

في انتظار جديدك ياذيبان

وتقبل اجزل الشكر والتقدير.

سعد بن سويحل الخضران

31-01-2010 09:34 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

اقتباس:

المشاركة الأصلية كتبت بواسطة صبي الصمايل (المشاركة 556953)

ترا الذهب مايباع في سوق نحـاس=والعود الازرق ريحته فـي بخـوره

شكرا علي ملاحظاتك فأن بعض الاملاء في الكتابه تخل في القصيدة في الشطر الذي اشرت اليه في سوق (نحّاس) وليس نحاس ..
واذا راجعنا بعض العبارات في ردك كلمه (فهنام) وانت تقصد فهناك فالكل يخطئ ياعزيزي الكريم ونحن بشر ليس انا منزهين من الخطئ وتقبل تحياتي

سعد بن سويحل الخضران

31-01-2010 09:37 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

اقتباس:

المشاركة الأصلية كتبت بواسطة حفيد الأمراء (المشاركة 557259)

لاصار ساسه في صخر يثبت الساس=قواعـده وسـط الجبـال محفـوره

شكرا لك ياحفيد الامراء علي ردك الجميل ولاهنت لانكم انتم اهل الجزاله وتقبل تحياتي

سعد بن سويحل الخضران

31-01-2010 09:39 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

اقتباس:

المشاركة الأصلية كتبت بواسطة فارس الدبالين (المشاركة 557267)

ابن سويحل

صح السانك واعتلا شانك ياجزل

في انتظار جديدك ياذيبان

وتقبل اجزل الشكر والتقدير.

شكرا يابو سالم الدبالين لانك فارس الكلمه وكل له من اسمه نصيب وشكرااا لك علي الاطراء وجزاله الرد ولا هانو الجميع وتقبل تحياتي..

خلاّد الزايدي

31-01-2010 09:58 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

حياك الله أخوي

تقول

لاصار نقده في محلـه فـلا بـاس
أن كان ضايـع مانطيعـه وشـوره

سؤالي : من الذي يحدد ويحكم بأن النقد في محله أو ضايع ؟

السؤال الآخر : هل معنى هذا أنك تقبل بأن قصائدك يتم مناقشتها في
المنتدى ومن ثم إن كان النقد في محله أخذت به وإن لم يكن في محله أعرضت عنه؟

أخيراً وهو الأهم نريد ولاعليك أمر بقية السبعين بيت !!!!!!

هجاد الزايدي

31-01-2010 11:39 PM

رد: حول النقد للي ينقد الناس وهو غير مؤهل .. للشاعر سعد بن سالم بن سويحل الخضران الدوسري

حياك الله اخوي

سوال هل من الممكن أن الشاعر الذي لا ينقد !!! قد يكسر بيت من أبياته ؟

أرجو منك تعديل البيت الرابع في الابيات التاليه لانه مكسور
على هذا الرابط

http://www.alduwasser.com/vb/showthread.php?t=47751

الساعة الآن 02:42 AM

صفحة 1 من 2

عرض 40 مشاركات من هذا الموضوع لكل صفحة