ان كان صالح يطلب الزود بزيد = في مدح ربعي يفخرن القوافي
موثق هرجي لياجيت بافيد = مايدخله شكة وراعيه شافي
قد قلتنا ثم قيل واليوم باعيد = حنا الدواسر قسمنا دوم وافي
في نجد حزنا المجد والمجد مابيد = يوم ان كل من قصيره يخافي
قصيرنا ناسم عصاته ولاصيد = في ظفنا يامن ويلقى العوافي
ويشهد لنا جارٍ حدوه المقاريد = جيناله حزامٍ جويداً لحافي
وفينا صفات مالها الا لواليد = اهل الكرم واهل اليدين النظافي
صبيان دوسر كاسبين الاماجيد = عز النفوس طبوعنا يالسنافي
وقت مضى يوم ان شح المواريد = مسبلين الماء كلام يشافي
ولانداني سيرة اهل المناقيد = ولانحب اهل النفوس الضعافي
نعمي عيون من وفانا حواسيد = كم من حسود عاد ركبه مقافي
وخوينا تفداه الارواح تمجيد = وقت مضى يوم السنين العجافي
لو بذكر الوقفات وشلون باجيد = صفات منهم يستحقون قافي
موجز بسيط قيل واليوم باعيد = قول الصراحة واستلم يالسنافي
واسلم وسلمني على كل صنديد = الاد دوسر في المواقف تشافي

**


شاعرنا القدير / شافي النتيفات
صح لسانك حتى ترضى
حروف رائعه وابيات هي من يكسوها الفخر عندما طوّعتها لمدح خطلان الأيدي

لك شكري وتقديري