يابو شالح قرّب الزام يوم الصيف طاح=ونجد سال وصاحبك من ورى عرق الدخووول
عند كسب جدودنا بالهجاد وبالصباح=في هواها نطوي البعد لو انه يطول
ماتردد للمعالف على دمن المراح=ودونها بالمال لا اشتبت سنين المحول
في هواها نازلين ن ورى مركز سماح=وانتسفنا نبغي العرق قدام الذبول
ويوم طاح الصيف ماعاد هاوانا المراح=واجلعت تبغي دكاكٍ يساقيه مهمول
في مقيضٍ باردٍ مشربه عد قراح=مايقيض في قراره ياكود صخاف شول
وانت يا فزعت هل الطيب كساب المداح=وجهك ابيض قولي ..وكل رجالٍ يقول
ياذخر كسابة الطيب بحراب الرماح=يومها بالخيل والشلف وبطيب الفعول
لا اعتزو لاد العميري ولجن بالصياح=وحذفن البيض بالستر في حال الذهول
فعلكم ستر العذارا بمفتوق السلاح=يشهد التاريخ مجدٍ على سروج الخيول
وكسبكم فنس العرانين والوضحا الشناح=كل وضحا تجمع الوصف مع زين الدلول
والتحيه يابو شالح ونطلبك السماح=كان تقدر..طالبينك عسى الشده تزول

عنـد كسـب جدودنـا بالهجـاد وبالصبـاح
في هواها نطـوي البعـد لـو انـه يطـول


كفو يابو سعد وصح اللسانك

مايقيض في قـراره ياكـود صخـاف شـو

ل

ارحب ياعزام

صح لسانك وسلمت يالجزل

مبطين منك ومن مثيل هذه الجزلة يالغالي

عز الله أسندتها على رجال كفو ووافي في علوم المراجل

تقبل ودي وتقديري ،،،

ويوم طاح الصيف ماعـاد هاوانـا المـراح=واجلعـت تبغـي دكـاكٍ يساقيـه مهـمـول
الشاعر البارع مسعود المقيبلي
صح الله لسانك حتى ترضى وجعل الذود ماتبيك واللي مثلك من العيال وشافي النتيفي يستاهل المدح

صح لسانك واعتلى شاانك يا ابو سعدُ
ولاهنت على القصيده يا ابو سعدُ