::: مـنتدى قبيلـة الـدواسـر الـرسمي ::: - للدواسر عامه والغييثات خاصه

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - للدواسر عامه والغييثات خاصه (http://alduwaser.org/vb/showthread.php?t=50408)

للدواسر عامه والغييثات خاصه

الســلأم عليكم ورحمــة الله وبركاتــه

اخواني اعضاء هذ1 المنتدى الشامخ منتدى قبيلة الدواسر العريقه .. بعد التحيه
يشرفني بأن اسجل حضوري في هذ1 المنتدى العزيز ببعض الابيات كتبتها في هذه القبيله عامه وقبيلة الغييثات خااصه
لما احمل لهم من كل احترام وتقدير واخص فيها من نلت الشرف في معرفتهم وهم الوالد صليل بن فهد الدوسري واخوته .. فأتمنى ان تنال على الاعجاب


	غنـى الشمالي وانتهض فكره وقال ابيات منبعها بحور الجزاله يابوي ما الومك على خوة ارجال عشر اسنوات وطيبهم باعتداله ياهاجسي احسب حسابك بمرسال يمّ الدواسر روح ود الرساله قومـ(ن) لهم وقفات توزن لها اجبال اصل الجماله لا ذكرت الجماله واخص انا الغييثات ذربين الافعال اهل السطر والطيب واهل الشكاله لا حك عود بعود للعزم فنجال في سلّمهم مشروب دون احتماله واخص منهو منزله دوم مدهال صيته رقى لـ طويق عانق جباله اسمه صليل وتعرف السيف بتّال ماضنتي يلّحقك فيه الجهاله ومّيّل على شبنان زيزوم الافعال بالمعضله ناده وتعرف مجاله ماتّعرفه ياكود في يوم الاهوال مطنوخ والطنخه معه في خياله واختم بمنهو للصعيبات حّلال رجّال لامن شال حّمل ارتكاله مقعد لايامن الزمن جنّب ومال جّمل رفيقه جمّل الله حاله مرحوم عود(ن) عقّب ازحول وعيال انشهد انه ماخسر في عياله ورثّ لهم ختمـ(ن) كما ختم الاحوال طيب الرجل يغنيه لو قلّ ماله ورثوان طيبه بالكرم مابه اجدال سوى مثل حاتم وخيله مثاله واختامها حكمه على روس الامثال طيب الدواسر صعب تلقى بداله

اخوكم / نواف نشمي القرم العنزي

رد: للدواسر عامه والغييثات خاصه

اررررررررررررررررحب ترااااحيب الحيا

" نوآأإف العنــــزي "

حيااااك الله من نجرآن إلى طريف

صح اللسانك و اعتلا شانك و يستاهلون المظالمه

وهم مديحين من أول وتالي ، ، و لا عليكم زود

يا عيال وايل و الطيب غير مستغرب عليكم مارث من على الجدان

لا خلا ولا عدم

أخوك / أبو زيد الغييثي

رد: للدواسر عامه والغييثات خاصه

كفوووو والله بالغييثاتً
ويستاهلون المدح والطيبُ ..
وصح لساانك مليار يا اخوي نواف القرم
وانت كفووو والله فيك وفي قبيلتك اعيال ووآئلُ
ولاهنتُ يا ذيبآن

رد: للدواسر عامه والغييثات خاصه

نواف القرم

ارحب يالقرم في محلك وهذي الساعه المباركه

اللى تشرف بها منتداك وتتواصل مع اخوانك وربعك ونتشرف بوجود عضو بقامتك

وصح لسانك واعتلى شانك

ويستاهلون صبيان الغييثات هالقصيده الجزله من الوجه الطيب

ولاعليكم زود ياعيال وايل انتم هل الطيب وعوايدكم فعل الطيب

واعيد ترحيبي بك يالقرم وياهلا والله بك

رد: للدواسر عامه والغييثات خاصه

ارررررررررررررحب

ترااااااااحيب المطر والسيل

وماعليكم زود بلي قلته

ويستاهلون الغيثات ونتم كذالك

رد: للدواسر عامه والغييثات خاصه

أبو زيد الغييثي

الله يبقيك يالذيب وصح بدنك والله لا يهينك على المرور

رد: للدواسر عامه والغييثات خاصه

اخوي ناصر بن فهد الدوسري

صح بدنك وكفوك الطيب وماعليك زود ياعريب النسب

رد: للدواسر عامه والغييثات خاصه

اخوي عضو ادراة الموقع نايف الخييلي
لي الشرف ان اتواجد بينكم
وان اتواصل مع منتدى هذه القبيله العزيزه
بين اخواني

اخي : صح بدنك والله لا يهينك على هالاستقبال الغير مستغرب

رد: للدواسر عامه والغييثات خاصه

اخوي الشاعر ابن مرضي الدوسري

الله يبقيك وماقلنا الا الحق الله لا يهينك على المرور وهالاستقبال

رد: للدواسر عامه والغييثات خاصه

بيض الله وجهك يا القرم

والله والنعم فيك يا ولد الأصايل

وصح الله لسانك

رد: للدواسر عامه والغييثات خاصه

نواف القرم

أنت على اسمك قرم

وقصيدتك رائعه جدا .

ويستاهلون الغييثات كل خير .

رد: للدواسر عامه والغييثات خاصه

نواف القرم انت قرم على اسمك,,وماعليكم زود ياعيال وائل والطيب يستاهل الطيب
ولا هو غريب الطيب مارثة فهد جعلهم المعزة ويرحم شايبهم
تقبل مني فائق التقدير والترحيب

رد: للدواسر عامه والغييثات خاصه

مرحبا بك اخوي (( نواف القرم ))

في منتداك وهذي ابرك الساعات

تسجيلك وانضمامك معنا في هذا الصرح الشامخ

منتدى قبيلة الدواسر الرسمي

واتمنى لك قضاء اوقات ممتعه

وان شاءالله تجد في هذا الصرح مايروق لك ويعجبك

======

صح لسانك واعتلى شانك
على هذه القصيده الجزله من رجال كفو وجزل
يستاهلون بني عمنا الغياثات محازم الظفر
ومليار x مليار نعم ولا يكفوون
وانعم بك وبصبيان وايل
وهذا الطيب مايستغرب من اهل الطيّب

تقبل تحياتي وترحيبي

اخوك / ابومبخوت

رد: للدواسر عامه والغييثات خاصه