|
نعم بدو كان البداوه غدت عيب ** وكن ذي عذاريب البدو قابلينا
هذه القصيده للشاعر عامر بن راضي بن ربعه الكدادي الهاجري
وارجو ان تحوز على رضاكم :- حنا بدو يمكثرين العذاريب وحنا هل الناموس ياجاهلينا حنا ولدنا لاظهر كنه الذيب يضحك حجاجه لا لفو الغانمينا والعود لامنه كساوجهه الشيب يزود قدره كثر زود السنينا وماحن نهوز قصيرنا بالمشاعيب بالعكس الطفبه من ام الجنينا خوينا نسقيه حلو المشاريب ولو مهتنا حنا ترى مهتنينا وحنا ليصارالطلب والمطاليب مروين حد مصقلات السنينا حنا لياكثرت علينا المشاغيب نصبر عليها لين ربي يعينا وحنا ليا شدنا فروس المشاديب فوق العلالي مثل اسود العرينا وحن لاهرجنا مانعرف الاكاذيب يعيبنا هرجن بليا يقينا وحن ضيفنا يلقى كثير التراحيب ونسقيه من صفر الدلال الثمينا من عقب ذا نطيبه من غالي الطيب ونفدغمه فطحت خروفن سمينا صحيح حن نتبع هوا شمخ النيب ممشا معاها عز يا ناقدينا هاذي عطايا الله حرش العراقيب عز العرب ياللي لها ناكرينا تامن بنا الطياح ام الدباديب اللي بها عشب القفر قد رعينا تبرا الحيرانن صغارن حباحيب سودن اذانيها كما شلفتينا من لامنا في حبنا لفطر الشيب جعله فدا لمهجرعات الحنينا ماتعيبناسود البكار الحنازيب مدام نعطي حقها اللي علينا هاذي صفات البدو واهل المواجيب بياعت الغالي على المشترينا (((نعم بدو كان البداوه غدت عيب وكن ذي عذاريب البدو قابلينا)) وسلامتكم ،،، |
لا هنت يا الجعيدي على القصيدة الرائعة و صح لسان الشاعر
و عز الله إنه صدق وحن لاهرجنا مانعرف الاكاذيب & يعيبنا هرجن بليا يقينا و ننتظر جديدك يالغالي .... |
الغالي : الجعيدي
صح الله لسانك ولسان الشاعر على هذه الرائعة تحياتي |
اخوي العزيز الجعيدي بيض الله وجهك على نقل هذي الرائعه جعلك تحيى مواضيعك وافيه ياكحيلان واختيار مميز للمواضيع. وصح الله السان الشاعر عامر بن راضي بن ربعه الكدادي الهاجري وتقبل تقديري واحترامي اخوك / فهد الغريري |
بسم الله الرحمن الرحيم
السلام عليكم ورحمة الله وبركاته اخوي الجعيدي بيض الله وجهك على هذا الاختيار الطيب ودمتم ,,,,,,,,,, |
السلام عليكم ورحمة الله وبركاته
اخي الغالي الجعيدي اختيار طيب من وجه طيب لاهنت يالقرم واشهد ان الهاجري صدق جعل لسانه مايقطع تقبل خالص الود اخوك:عبدالله |
أخواني النشاما جميعاً: آسف جداً على التأخير في الرد عليكم،، يشهد الله أنه الوقت غير كافي. تسلم يمانيكم ،،، و بيض الله وجيهكم ،،، ولا شكر على واجب ،،، و رفع الله مقداركم و أعز شآنكم يالنشاما. مرة أخرى أكرر اعتذاري وآسفي على التأخير. وتقبلوا خالص التحيات،،، أخوكم/ الجعيدي الدوسري |
حنا بدو يمكثرين العذاريب=وحنا هل الناموس ياجاهلينا حنا ولدنا لاظهر كنه الذيب=يضحك حجاجه لا لفو الغانمينا والعود لامنه كساوجهه الشيب=يزود قدره كثر زود السنينا وماحن نهوز قصيرنا بالمشاعيب=بالعكس الطفبه من ام الجنينا خوينا نسقيه حلو المشاريب=ولو مهتنا حنا ترى مهتنينا وحنا ليصارالطلب والمطاليب=مروين حد مصقلات السنينا حنا لياكثرت علينا المشاغيب=نصبر عليها لين ربي يعينا وحنا ليا شدنا فروس المشاديب=فوق العلالي مثل اسود العرينا وحن لاهرجنا مانعرف الاكاذيب=يعيبنا هرجن بليا يقينا وحن ضيفنا يلقى كثير التراحيب=ونسقيه من صفر الدلال الثمينا من عقب ذا نطيبه من غالي الطيب=ونفدغمه فطحت خروفن سمينا صحيح حن نتبع هوا شمخ النيب=ممشا معاها عز يا ناقدينا هاذي عطايا الله حرش العراقيب=عز العرب ياللي لها ناكرينا تامن بنا الطياح ام الدباديب=اللي بها عشب القفر قد رعينا تبرا الحيرانن صغارن حباحيب=سودن اذانيها كما شلفتينا من لامنا في حبنا لفطر الشيب=جعله فدا لمهجرعات الحنينا ماتعيبناسود البكار الحنازيب=مدام نعطي حقها اللي علينا هاذي صفات البدو واهل المواجيب=بياعت الغالي على المشترينا (((نعم بدو كان البداوه غدت عيب=وكن ذي عذاريب البدو قابلينا)) اخي الغالي الجعيدي اختيار طيب من وجه طيب لاهنت يالقرم واشهد ان الهاجري صدق جعل لسانه مايقطع |
صح الله السانك يالجعيدي وصح الله السان الهاجري
|
أخوي: ابن وتيد ،،، مرحبا والله و مسهلا ،،، و الشكر وكل الشكر لك على تنسيقك الرائع للقصيدة. مرورك يكفيني شرف يالنشمي. أخوي: خاطر محمد الخاطر،،، مرحبا والله ومسهلا ،،، مرورك شرف لي يالنشمي. صح أبدانكم ،، وجعلكم تسلمون. وتقبلوا خالص تحيات أخوكم/ الجعيدي الدوسري |
لا هنت يا الجعيدي على القصيدة الرائعة و صح لسان الشاعر
و عز الله إنه صدق وحن لاهرجنا مانعرف الاكاذيب & يعيبنا هرجن بليا يقينا و ننتظر جديدك يالغالي .... |
اقتباس:
أخوي الغالي: دغش البطي، يشهد الله أني أفرح لشفت أسمك في أحد مواضيعي يالنشمي. والله لا يهينك على مرورك الطيب. وتقبل خالص تحياتي. |
الساعة الآن 02:21 AM
 |
Powered by vBulletin® Copyright ©2000 - 2025, Jelsoft Enterprises Ltd.
---