يا سعود أنا مانيب راعـي مهـاداه =أحـب الوفـاء والجـود مـع الأجاويـد
اخذ قليـل الحـق وأتـرك بقايـاه =واصـد بالغلطـة مـن وجيـه المقاريـد
ترى الهرج لامن زاد قلـة حلايـاه =ويكفيك أصملي الهرج مـن دون ترديـد
وأنا شفي دلال ٍ على النار مركـاه =وابصر بصبتها علـى كيـف مـا أريـد
وأعدي فنجالها لأهل الكار والجـاه =قروم ٍ علـى كسـب المراجـل نماريـد
ناس على كسب المراجـل مضـراه =وناس علـى حيـاض الرذيلـه مواريـد
خلى الردى للـردي لعلـه وعسـاه =تنبـت بهـا العـلـه ويفتـلـه القـيـد
وإن شفت لك حاقد ٍ أقفت منك نحاياه =جعله مـراح الطيـر مـن دون ترديـد
وانـا أحمـد الله ماعليـه معانـاه =هيض الغرام يغرد بهـا الطيـر تغريـد
وصلاة ربي عد ماهل مزن من ماه =على المصطفى عدنـان ترتيـل وتجويـد

المشاركة الأصلية كتبت بواسطة خرجاوي السلام عليكم ورحمة الله وبركاته مشكور يا أبو أبراهيم وماقصرت على القصيدة ولا يهون الجعيدي والربع أخوكم/ خرجــــــــــــــــــــــ فتى العمور ـــــــــــــــــــــــــــــــــــــاوي

المشاركة الأصلية كتبت بواسطة أباسليمان الودعاني تسلم يمينك أخوي الجعيدي وصح لسان الشاعر