::: مـنتدى قبيلـة الـدواسـر الـرسمي ::: - قصيدة ابن مطرف الذي طردة الشريف في الدواسر

أغتاض الشريف حاكم مكه في زمانه على ابن مطرف وطرده وحاول الزبن عند القبائل فتعذروه خوفاً من وعيد الشريف ولم يزبنه الا الدواسر فقال هذه القصيده .

جلينا وجلانا الشريـف ابـن هاشـم=وسواة مـن جـلا الشريـف ايخـاف
زبـنـا يــم رجـــال عتـيـبـه=وقلوبهم صـوب الشريـف اصخـاف
جلينـا ونصينـا سبيـع ابـن عامـر=يدوسـون لاريـا والعـزوم ضعـاف
مشيـنـا ونصـيـنـا آل زايـــد=أطـوال القـنـا بـيـن أعـسـاف
ومن قبل ذا قـد زبنـو اللـي قبلنـا=وداو وعمـا مـن لايشـوف وشـاف
أفيا نعم ياولـد بـن خطـاب شيخهـم=وسيفه من راس الشريـف أعسـاف
ويانعـم ياولـد المبيعـيـج نـاصـر=جـواده فـي العـج اتغبـا وتشـاف
أوعمريٍ الصطا من شبا السيف حاضر=جـواده منهـا السابـقـات تـخـاف
وترا عزوتـي منهـم رجـال الفـادر=غشاهم مـن البيضـاء اذرا والحـاف
عسى الله يحيي لـى بـلاد آل زايـد=وعساها من عقـب الربيـع تصـاف
مازبـن اللـى مثلنـا كـون مثلهـم=أكسـرو عساكـر دولـة الاشــراف
يوم أصفقو القوم فـي القـوم أرتكـو=أرزان المواقف هـم ذرا مـن خـاف

هذه قصيدة للشريف راجح بن عمرو الشنبري بعد هزيمة الأشراف على يد الدواسر بعد إجارة الدواسر لإبن مطرف:

الله لايسـقـي يــومٍ ورا تـيـن=يومٍ غدينـا ياسويلـم بـه اقطـاع
جونا الدواسر مثـل وردٍ محيميـن=كلنا لهم بالمد واوفوا لنـا الصـاع
يا شيب عيني يوم قالـوا عقاليـن=ودْ الذليل انه تـراب ٍ مـع القـاع
حطيت بالرجليـن زيـن التواميـن=ووسطتها ما بينهـم تقـل مـزّاع
والخيل مثـل مغلشـات الشياهيـن=والقلب من كثر المثـارات يرتـاع
نبي نرد ولا اودعونـا الوداعيـن=ربعٍ تحب القتل ما هـوب الأطمـاع
يا شوفة الله ليلـة الغـزو ملفيـن=لو تجمع الستين عشاهـم الصـاع
لحقوا على مثل الريـاح البداريـن=ويا ما وطوا منا على صحصح القاع
يا فضحنا في لابسـات السباهيـن=اللي يديـرنّ الشويـرع بالأصبـاع
والأشراف لانوا عقب ما كان قاسين=والشق ما يرفاه خمسة عشر بـاع