|
وعدكم الليلة بعد العشاء يا شعار... نبيها عيدية
الاخوان الشعراء في قسم المحاورة وفي غيره من الأقسام وش رايكم الليلة نسري على المعنى ونحلق بالصفوف في محاورة أو محاورات تعتبر عيدية للمنتدى وأهله.
أنا راح أكون متواجد إن شاء الله بعد العشاء وإن بغيتوني أمسك الصفوف جاهز وان بغيتوني أرتبها جاهز وان احتديتوا علي كشاعر فالمعين الله. وعدنا بعد العشاء يا لنشامى وكل عام وانتم بخير،، أخوكم التغلبي |
أفاااااااااااااااااااااااااااااااااااااااااااااااا اااااااااااااااااااااا مابه أحد؟؟
أفا لا شعار و لاصفوف ولا حتى تعليق ولا ، وش بلا الربع بس يتصفحون ويمشون ؟؟؟!!
يا جماعة ترى الامر هين ، ودكم تلعبون ولا نسري ؟؟ |
اسمحوا لي بافتح الباب واصلي على النبي
سلام لاهل الوفا مني بردية ************* ردية صادفت لايام عيدية
وعقب التحيات يسري الليل سارية *********** واللي نوى حاجته لابد يقضيها سلام يا لابة من سالفات الوقوت ............ كل النواميس والطالات تحريبها وين الشعاعير قبل الوقت منا يفوت.......... نبي لنا ليلة في العيد نسريبها |
الظاهر لازم نسمي بالاسم! ( النداء الأخير )
يالربع هذه المحاولةالأخيرة :
نادوا لي المسعري واعطوا فتى الجود صوت ... ولاّ بومحسن* عشير البنت وصحيبها الليل.. ذا ليلكم يا لابسين البشوت ..................... واللي معه سالفة ينزل يغنيبها *: المقصود مشرفنا الغالي ابو عبدالمحسن المسعري ........... والنداء للعموم |
أررررررررررررررررررررررحب يا بو زايد
مرحبا ومسهلا يا بوزايد واعتبرني أول الواصلين وأول الصفوف وبانتظار باقي الاخوان الشعار والصفوف
يالله ياجماعة لاتخلونا وترى ابوزايد ما قصر وانتظر واجد اللييييييييييييييييييييييييييييييييييييييييييل اللييييييييييييييييييييييييييييييييييييل |
أرررحب يالتغلبي ...
الأخ الشاعر: ابو زايد التغلبي أولاً: نورت ساحة المحاورة بوجودك طال عمرك من غير قصور في باقي اخواني الشعار. ثانياً: صح لسانك على هالأبيات الرائعة كروعة حضورك وأنت لست غريب على الأبداع. ثالثاً: مما يسعد أي شاعر أن يلعب مع شرواك والإحتكاك بك ، وأشوفك طلبتني أنا أو المسعري أو فتى الجود ، فالبنسبة لي أرجو أن تعذرني لأني ماحضرت الليلة إلا متأخر وومقتفينا دوام طال عمرك ويمكن بعد وراي سفر لذلك أرجو أن تعذرني ونعوضك فالمقبلات إن شاء الله. ولعل أحد الشعراء يحضر بدري وتثرون هذا المنتدى بالعلوم الغانمة والجزلة. |
يا شباب مش معقول ؟
يا شباااااااااااااااااااااااااااااااااااااااااااااااا اااااااااااااااب لليوم الثاني على التوالي ما فيه شاعر واحد ؟؟؟؟؟
مش معقول سجلوا تواجدي لليوم الثاني ولكم تحية أخوكم أبو زايد والشكر أولا وأخيرا لمشرفنا الكبير ابو عبدالمحسن المسعري على لطف اسلوبه |
حضرت ولم أجد!
جميع الأخوة شعراء وصفوف ومتصفحين حضرت ولم أجد أحد؟! سجلوا حضوري وحيداً لليوم الثالث على التوالي وكل عام والمحاورة بخير،، |
يالتغلبي مرحبا بك والعذر منك شعارنا ماحدن منهم درا عنك والعيد سجات واوضاعه مايخفنك واللي نوى حاجته لابد يقضيها
اعذر بني عمنا لوطولوا بالسكوت=هذي علامة غياب ٍ وانت تدريبها حددت قصدك ونعم ابعاسفين البيوت=والملعبه ياولد ماينحصر طيبها |
حييت واستلم:
حييت لوكان وقت اللعب قد فاتي**لي ليلتين وانايا لحر ما باتي ومناسبة جيتك نذبح لك الشاتي **واللي نوى حاجته لابد يقضيها شد حيلك وخل النايمين الخفوت...نومة في حدود العقل ما اعيبها لاتعذر على ناسٍ تمنت تموت....ولا تدفى بنارٍ ذي مشاهيبها |
وابك البقا ياعميلي وافهم ابياتي اعرف انا حزتي واعرف ميقاتي ومن يفعل الطيب نجزيه الجزيلاتي واللي نوى حاجته لابد يقضيها
شد حيلك وغيرك يركعون القنوت=وانت تصخي محشك في عراقيبها آعترض دون ناس ٍ فالملاقا ثبوت=واصبر ايام وتواجه مناديبها |
استلم
الصايم الله وكبر قرّب إفطاره *** بطنه كبيرن ولا تكفيه مطّـارة احذر تجي قدم وجهه وافهم الشارة *** واللي نوى حاجته لابد يقضيها جاك برد الشمال ولا تذّرا بكـــوت ..... شّب نارك عسـى الفـزّاع يدفـي بها ياقنوص البحر ترى البحر فيه حوت.... وكان عندك علومن غانـمة جيبهـا |
مسيت بالخير واستلم لاهنت صايم نهاره بيلحق ليله صيامه وان كان يبغى الفطر يستعطي اعمامه لايحترم مدة الجزلين باحلامه واللي نوى حاجته لابد يقضيها
ناري اتعشي اللي مالقاله قتوت=مورد ٍ للنشامى هم معازيبها بلغ الحوت قل له ياردي البخوت=طيحتك والله ان تبطي تهذري بها |
وين الصفوف يا النشامى مهوب حقنا عليكم اللي قاعد يصير
لاهنت يا الحر ووجهك أبيض واستلم جعل والديك ووالدينا وجميع المسلمين ما يجون النار يا حر يا حر خلك فوق مرقابك ****** قبل الذيابة إلى جاعت تعشا بك ما ينفعونك بني عمك ولا اصحابك ***** واللي نوى حاجة لاعل يقضيها الخطيب يتكلم والجماعة اسكوت ............ بس به مسألة عجزان يفتي بها يا وحيدن بجيان الخلا دون قــــــوت .......... انتبه أنت في دارن عوا ذيبـــــها |
يعطيكم العافيه ياشعار
واصلوا الله لايهينكم |
الساعة الآن 09:01 AM
 |
Powered by vBulletin® Copyright ©2000 - 2025, Jelsoft Enterprises Ltd.
---