::: مـنتدى قبيلـة الـدواسـر الـرسمي ::: - وصار همي لكل هالناس > ملباس

لو وزعوا جرحي على جملة الناس
ماظنتي أحدٍ يشوف السعاده

ولوصار همي لكل هالناس ملباس
مانامت اعينهم بذيك الوساده

ولو عاشو الدنيا كما عشت بالياس
مايبقى في هالكون صبر وجلاده

ولو ذاقو اوجاعي مع الوقت في كاس
يمدي جنازيهم على اول عياده

انا نحيل الجسم وعروق يباس
والدود لامن مت ماله إفاده

انا كسير الحظ ماعاد بي باس
مثل الغريب اللي يدور بلاده

انا رصيدي للفرح كله إفلاس
وضحكي جريمه وانحكم بالإباده

(انا سفير الهم في عالم الياس)
والغم تعلقني سوات القلاده

انا مشيت الدرب من دون الاكباس
حافي ولهيب القيظ يشوي الجراده

عبرت عن جرحي ولو قل الاحساس
تساوت ايامي بياض وسواده

صح لسان مبدعها
|~ الشاعر .. محمد الحربي ~|