::: مـنتدى قبيلـة الـدواسـر الـرسمي ::: - الله يعين إللي عليه الزمن دآر ..{

- :: قسم الـشعر العــام :: (http://alduwaser.org/vb/forumdisplay.php?f=16)

- - الله يعين إللي عليه الزمن دآر ..{ (http://alduwaser.org/vb/showthread.php?t=59408)

الله يعين إللي عليه الزمن دآر ..{

مسـآء الخيـر

ان ضـاق صدرك ودك تبـوح الاسـرار

اعرف ترى هالنـاس اضيـق صدرهـا

لا تشتكي هم ٍ كبـر فيـك وان جـار

ستر الهموم اخيـر ترى من ذكرهـا

من شـاف غيـره في عنـا الضيـق ينهـار

هانت عليـه مصيبـةٍ يحتقرهـا

بيشـوف وشـلون الصغـاير غدو كبـار

لا طاحت الجـّره وبيـن كسـرها

المخطـي ان جالك مع حسن الاعذار

سامح خطـا الزلات واكسب اجرهـا

والزله اللي تكررت عدة امرار

الذنب فاضـح واحتشم عن عذرهـا

والديـره اللي جوّهـا عج وغبـار

ما تمنع ظروف اهلها عن هجرهـا

والنـار جايز تضمر بحـك ّ الاحجـار

لا تستهين بذات تجهل قدرهـا

والحايط ان كان اهدمه عود مسمـار

وشلون تامن هالبيـوت بسترهـا

الشـر طاغي ما عطى الخيـر مقدار

والا القلوب الطيبـه يا كثرهـا

واصعب سـؤال اللي يبي منك تختار

لا صـار حل المسـأله يختصرهـا

من يتبع الشهوات لابد ينهـار

احفظ قدر نفسـك لجل ما تضـرها

كل أزمه وتعدي مع جهد واصـرار

واقلع فروع المشكله من جذرهـا

وان كنت من سـّـبـة بلاويـك محتار

لابد يوم بتنفرج وانتظـرها

الصبـر لو هو ما نفعـك ما هو بضـار

للنفس طـاقه واستعيـن بصبرهـا

الحظ فوجيـه المقاريـد غدار

لو تبتسم يطلبـك تدفع سعرهـا

وش مكسب المنحـوس من عـدّ الاصفـار

غير الشـقا وهموم يكبـر كسـرها

الله يعيـن اللي عليـه الزمن دار
ضاقت به الدنيـا وعاش بعسـرها

لا تشتكي للذيب عن هجعة النار

ترى المصـايب ما ينومس ذكرها

وان ضـاق صدرك بسبب شيـن الاخبـار

بعض السـوالف لا يهمـك امرهـا

ممآ رآق لي
تحيـتي ..{