المزنه اللي مـن أيـام اتحراهـا=ارزم رعدها عصير ولاح بارقهـا
وسمية ٍ تروى الضميان من ماهـا=يضحك لها وجه مغربها ومشرقها
أسوق عطر الثناء علـى محياهـا=وارفع لراع اوفاء الثابت بيارقهـا
سلام ياراعي الجزلـه ومنصاهـا=متعب هل الطيب مع دربه ومرهقها
تمد له كل خصلة طيـب يمناهـا=خصائل الطيب عاشقته وعاشقهـا
شيخ ليـا كبـرت القالـه تبناهـا=يحـل معقودهـا ويفـك ضايقهـا
الكايده ما يجيها الآ مـن أقصاهـا=والمستحيلـه بوقفاتـه يحققهـا
يمناه وسميـة ٍ تمطـر رفاياهـا=هتانة ٍ سيلها الجـارح يسابقهـا
وقفات بادي سمعناهـا وشفناهـا=كم من رقاب ٍ بمعروفـه مطوقهـا
قصايد المدح فيه يليـق معناهـا=وقوافل الشكر تعلن لـه حقايقهـا
قل للدواسر من أقصاها الى اقصاها=تخلد اسم الزمامي فـي وثايقهـا
والاد زايد ليا جاء طاري اسماهـا=قوم ٍ لكسب الجميـل الله موفقهـا
البدو ترعى مزارعهـم رعاياهـا=يجي لهم كل راعـي ذود سايقهـا
ربع السنه عندهم ماها ومرعاهـا=فعل الدواسر عن العربان فارقهـا
ومن شك ينشد عن علومي ويلقاها=والآ يزور الدواسر فـي مناطقهـا

قل للدواسر من أقصاها الى اقصاها تخلد اسم الزمامي فـي وثايقهـا والاد زايد ليا جاء طاري اسماهـا قوم ٍ لكسب الجميـل الله موفقهـا البدو ترعى مزارعهـم رعاياهـا يجي لهم كل راعـي ذود سايقهـا ربع السنه عندهم ماها ومرعاهـا فعل الدواسر عن العربان فارقهـا ومن شك ينشد عن علومي ويلقاها والآ يزور الدواسر فـي مناطقهـا

المشاركة الأصلية كتبت بواسطة فهد المقابله (المشاركة 693200) صح لسانك يابوراجح ويستاهل ابو ناصر ماقيل فيه تحياتي وتقديري