ياسلامي عليكم والتحايا بداية=عابقاتٍ بجوري طائفي وياسمين
ساقني حر شوقي سوق حد النهاية=جيت عاني وياني بالمعاشق قمين
كلت حبي لمن هي تستحق العناية=والغلا في الضمير مربِّع ومستكين
مهرها الروح ضمن بروتوكول الحماية=ناذر (ن) في وفاها ومقسم (ن) باليمين
حبها فرض واجب بالولا والولاية=شرع قا نون منهم للوفا منتمين
تاج راسي وقاري وافتخار انتمايه =ديرتي ياحماها من عواجى السنين
منبع الطيب منها مثل ما في الرواية =مهبط الوحي فيها وقبلة المسلمين
ديرتي دار عز ودار علم ودراية=من لفاها ومنها وأهلها وامنين
ماورد في كلامي ما ابتدعته دعاية=حول معناه وارد بالكتاب المبين
منزلن بالوحي من عند ربي هداية=رحمة ً وشفاء ً وهدى المتقين
ياسناد الوطن تكفون حذرا الغواية=ذيب وسط القليب وعينكم للعرين
إحذروا ! من ظلال الفكر وآهل الوشاية=مدَّعين الصلاح وللأسف مفسدين
واحذروا وحذروني من مخاوى النفاية =روجوا للسموم وفخخوا بالكمين
كارهم كار مجرم وارتكب له جناية=فبرك المسألة كيحسب انه ذهين
ختمها بالصلاة وبالسلام الكفاية=للنبي الشفيع الهاشميّ الأمين