::: مـنتدى قبيلـة الـدواسـر الـرسمي ::: - من قصائد الشاعر/فلاح بن محمد ال بريك

- :: قسم الـشعر العــام :: (http://alduwaser.org/vb/forumdisplay.php?f=16)

- - من قصائد الشاعر/فلاح بن محمد ال بريك (http://alduwaser.org/vb/showthread.php?t=64501)

من قصائد الشاعر/فلاح بن محمد ال بريك

من روائع الغزل

عند العشي ذبيتنا عالي المرقاب
تمثلت فيه وهيض القاف لعابه

يلج الحشاء لجت قطيع على مغراب
لاجات عد بركت فوق مغرابه

اتدوج على المشرب ولا عينت جذاب
صخاف العشاير فوق جاله تلوا به

ياجرح قلبي جرح سيل مع محناب
تعدا الحدود وما على دربه انحا به

الى قلت قلبي داله واستراح وتاب
تبين عذاب الروح من واحد صابه

هلا بالسلام اللي لفاني بدون كتاب
سلام يعيش القلب حيه ومن جابه

ترا ضامر السرجوف من صوبه ماطاب
وانا ما جداي الا التوجد من اسبابه

ليته يطرا السوم واشري بغير حساب
واسوق مال فيه ما يقطب حسابه

وان قصرت منه الحيل وكل ظن خاب
فلا به من الحيلات كون اتجلوا به

سميه بصنعة كافر جر له سحاب
الا من مشا ومغلق سايقه بابه

يغيب القمر واسمه يجي الصبح ماقد غاب
الا من مشا واليا وقف صك سحابه