::: مـنتدى قبيلـة الـدواسـر الـرسمي ::: - المـرجلــه ما تجـي بيــع ومشريّــه- الشيخ الفارس شيبان بن قويد رحمه الله

بسم الله الرحمن الرحيم

المرجله

قصيدة للشيخ الفارس شيبان بن قويد رحمه الله واسكنه فسيح جناته

قصيـــدة قلـتــهــــا منظـومـــة ليّــــــــه

قــولٍ مليـــحٍ علــى اولهــــا وتالـــــيهــا

المـرجلـــــه ما تجـــي بيـــع ومشريّــــه

يكـون مـن يضــرب الدانـي وقاصيــهــا

المــرجلــه من علــى الجــدّان مبنيّــــــه

فعـــلٍ وجـــود وعاصــم شورهــم فيهــا

غيــر الثلاثـــه تــرا البـاقيــن كــوليّــــه

سركــالــى النـــاس قاصــرةٍ يمانيهــــــا

اللــي يتعمــــل وهــي من اصــل جدّيــه

الله يعينـــــه عليهـــــا ولايخــليـهـــــــــا

ورثٍ لجـــده وابـــوه تسيــــر عـــاديـــه

وهـــو مــحــلٍ لهـا ويصيــــر راعيهـــا

الله يعينــــــه عليهـــــا فــي المَعسريــــه

الضــــــو تاكــل حطبهــــا اللـي يواليهـا

بيـــتٍ تجــــي فيه يظهـر فيــــه ماريـــه

اللي لاهــلهـــا مــزينـــهـا مبـانيـــهــــــا

من جــن عنـــده تجـي لتــَبّاعتـــه خيّـــه

قليــــــب بــدٍو وتــــورد فـي مظاميهـــا

يقبــل علــى بيتـــــه ويقفـــون رِجليّــــه

كنــهــم سبــاعٍ علــى رسٍ بــيسقيهـــــا

لاجــا المسيّـــر لقـى هيــــلٍ وبــريّـــه

معـــى صحنهــــا قــدوعٍ لـه يباريهــــا

وان جــات هجــن من الفرجـه خلاويـه

ثم نوخـــــــت عنـــده يرحّـــبْ يعشيهــا

هــذي سلـــــــوم العــرب ياللـي لكم نيـّه

لآشــبهـــــا نشـــمـــي يفطــن لقــافيهـــا

واذا تمــــلّل يعــرّضْهـــــا الشــريطيـــه

ياخـــذ ثمنهـــا يبيــــع او يشتــري فيهــا

الزيتــــن ما يـــرفــع الرجـــال عاريــّـه

مثــــــل القــــزازه اليـا من ينتظر فيهــا

لاشفـــت مبنـــــاه وبلــــه قـلــت ماليـــه

علامـــةْ المــــاء وهـــي بَــــلّا ثلاليــها

سَـــــراب قـــاعٍ اذا جيتـــــه تبــي ريّــه

يقفــــــي بعيـــدٍ على الحـزمــان ماشيهـا

الديـــك يـــذْن علــى طـربوشتــــه ذيّــه

يــــدري بوقــــت الصـــلاة ولايصليهــا

من غاضتـــه ذا القصيــده جعلــه الحيّـه

يصلــي على محمــد من كان يوحيهــــا

أحْــبْ منهـــــــا صـــلاة العبد مرضيـّـه

صــــــلاة وســـــطٍ يـرغّبْ ربنـا فيهـــا

جمع وتحرير

محبكم الدوسري